दशैंको अवसरमा झमेल रक्सको खसीकप फुटसल प्रतियोगिता

साझापाना २०८० असोज २८ गते २०:५९ मा प्रकाशित

ललितपुर । नेपालीहरुको महान् चाड दशैंको अवसरमा झमेल क्षेत्रका युवाहरुको समूह झमेल रक्सले दशैं खसी कप फुटसल प्रतियोगिताको आयोजना गरेको छ । सामाजिक तथा खेलकुद क्षेत्रमा प्रतिबद्ध भन्ने मुल मन्त्रलाई आत्मसाथ गर्देै अघि बढिरहेको झमेल रक्सले हरेक बर्ष खसी कप फुटसल आयोजना गरी भाइचार र सांस्कृतिक सहअस्तित्वको लागि योगदान गर्दै आएको झलेम रक्सका अध्यक्ष जितेन्द्र थापामगरले बताउनुभयो ।

संस्कृति र चाडपर्वको जगेर्ना तथा भातृत्व विकाश गर्न बडा दशैँको अवसर पारेर दशैँ खसी कप फुटसल प्रतियोगिता आयोजना गरिएको क्लवले जनाएको छ । घटस्थापनाका दिन हुने खसी कप फुटसल प्रतियोगितामा १९ टिमको सहभागिता रहेको क्लवले जनाएको छ । प्रतियोगिता सञ्चालन गर्न ललितपुर महानगरपालिका वडा नं २ ले मुख्य सहयोग गरेको दानबहादुर थापामगरले बताउनुभयो ।

प्रतियोगितामा प्रथम हुनेले ३० केजिको खसी सहित नगद रु दस हजार र प्रमाणपत्र तथा मेडल प्राप्त गर्नेछ भने दोस्रो हुनेले २८ केजिको बोका सहित नगद रु पाँच हजार र प्रमाणपत्र एवम् मेडल प्राप्त गर्नेछ ।

उत्कृष्ट खेलाडि र उत्कृष्ट गोलरक्षकलाई एक एक क्रेट अण्डा र नगद रु एकहजार उपलब्ध हुने आयोजकले जनाएको छ ।

प्रत्येक खेलको म्यान अफ द म्याचलाई मायाको चिनो प्रदान गरिने कुरा पत्रकार सम्मेलनमा समुहका अध्यक्ष जितेन्द्र थापा मगरले बताउनुभयो ।

क्याटेगोरी : समाचार
ट्याग : #झमेल रक्सको खसीकप फुटसल प्रतियोगिता