युद्धग्रस्त इजरायलमा तीनजना नेपाली बेपत्ता, नौ जना घाइतेमध्ये दुईजनाको अवस्था गम्भीर

साझापाना २०८० असोज २१ गते १२:५१ मा प्रकाशित

काठमाडौं, २१ असोज । युद्दग्रस्त इजरायलमा तीनजना नेपाली बेपत्ता भएका छन् ।

इजरायलमा शनिबार बिहानबाट प्यालेस्टाइनी लडाकु समूह हमास र इजरायली सेनाको लडाइँ जारी छ । युद्द सुरू भएपछि तीनजना बेपत्ता भएका हुन् ।

नेपालबाट इन्टर्नसिपका लागि इजरायलको सेदोट नेगेभ कृषि केन्द्रमा गएका ९ जना नेपाली घाइते भएको र तीमध्ये दुई जनाको अवस्था गम्भीर रहेको छ । त्यस कृषि केन्द्रमा १७ जना नेपाली थिए।

तीमध्ये ९ जना घाइते भएका छन्। अन्य ५ जनाको सकुशल उद्धार गरिएको छ।

क्याटेगोरी : ब्रेकिंग न्युज, समाचार