काठमाडौं । नेकपा एमाले गण्डकी प्रदेशको नयाँ नेतृत्व चयनका लागि आज मतदान हुँदैछ ।

अध्यक्षका लागि म्याग्दीका नवराज शर्मा र लमजुङका मायानाथ अधिकारीले उम्मेदवारी दिएको निर्वाचन कमिटीले जनाएको छ । शर्मा पार्टी उपमहासचिव पृथ्वीसुब्बा गुरुङ र अधिकारी स्थायी कमिटी सदस्य खगराज अधिकारीको समूहबाट उम्मेदवार बन्नु भएको हो । गुरुङ समुहलाई पार्टी उपाध्यक्ष विष्णु पौडेलको संरक्षण छ भने अधिकारी समुहलाई महासचिव शंकर पोखरेलको साथ छ ।

गण्डकीमा एमालेको तेस्रो धारको रुपमा प्रस्तुत भएका प्रभावशाली नेताहरु पद्य्मा अर्याल र किरण गुरुङ भने यो अधिवेशनमा देखिने गरि कुनैपनि समुहमा खुलेका छैनन् । १ सय ६५ जनाको लागि ३ सय ८२ जनाको उम्मेदवारी परेको छ । अधिवेशनमा विभिन्न क्लष्टरका २७ जना भने निर्विरोध निर्वाचित भएका छन् । अधिवेशनमा प्रदेशका ११ जिल्ला र जनवर्गीय संगठनबाट ९०७ जना प्रतिनिधि सहभागी छन् ।

क्याटेगोरी : समाचार
ट्याग : #breaking, #नेकपा एमाले

---

---

---