विराटनगर । विवादास्पद धर्मगुरु श्रीनिवास पक्राउ परेका छन् । धार्मिक तथा साम्प्रदायिक अभिव्यक्ति दिएर धार्मिक हिंसा भड्काउन खाजेकोे आरोपमा हिन्दु धर्मगुरु उनलाई प्रहरीले मंगलबार पक्राउ गरेको हो । सुनसरी प्रहरीले उनलाई चक्रघट्टीस्थित आश्रमबाटै पक्राउ गरेको हो । श्रीनिवासले केही दिनअघि हातमा खुकुरी बोकेर धार्मिक तथा साम्प्रदायिक हिंसा भड्काउने अभिव्यक्ति दिएका थिए । सोही अभिव्यक्तिलाई लिएर सोधपुछ गर्न उनलाई नियन्त्रणमा लिइएको सुनसरी प्रहरीका प्रवक्ता डीएसपी नवीनकृष्ण भण्डारीले जानकारी दिए ।

२०७४ चैत २५ गते उनीमाथि गोली प्रहार भएको थियो । तर, पछि आचार्य आफैँले नाटक गरी गोली हान्न लगाएको खुलासा भएको थियो । श्रीनिवासले हातमा गोली प्रहार गर्न लगाएपनि गोली मिस फायर भएर कोखमा लागेको थियो । उनले चितवन भरतपुर ४ बस्ने २९ वर्षीय माधव चौधरी र नवलपरासी गैँडाकोट ५ का ३२ वर्षका सन्तोष भन्ने लक्ष्मीराज अधिकारीलाई गोलीसहितको पेस्तोल दिएर आफूलाई हान्न लगाएका थिए । श्रीनिवासले हिन्दु राज्य कायम गर्न विभिन्न चरणमा भएको आन्दोलन सार्थक नभएपछि जनता र धर्मगुरुहरूलाई उक्साउन आफूमाथि गोली प्रहारको नाटक रचेको पुष्टि भएको थियो ।

क्याटेगोरी : समाचार
ट्याग : #breaking, #श्रीनिवास

---

---

---