काठमाडौं, २९ भदौ । प्रतिनिधि सभाको बैठक आज शुक्रबार बस्दैछ ।

संघीय संसद भवन, नयाँ बानेश्वरमा बस्ने बैठक दिउँसो १ बजे बाट सुरु हुने संघीय संसद सचिवालयले जनाएको छ ।

सचिवालयका अनुसार आजको बैठकमा सभामुखले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार तोकिएको सम्बन्धी पत्रको व्यहोरा पढेर सुनाउने कार्यसूची रहेको छ ।

यसैगरी, सभामुखले नेपालको संविधानको धारा ८९ को खण्ड ९च बमोजिम प्रतिनिधि सभा सदस्यको स्थान एक रिक्त रहेको व्यहोरा प्रतिनिधि सभा नियमावली, २०७९ को नियम २१५ को ९१० बमोजिम जानकारी गराउने छन् ।

प्रतिनिधि सभा सदस्यसमेत रहेका संविधानसभा अध्यक्ष सुवासचन्द्र नेम्वाङको निधन पछि निर्वाचन क्षेत्र इलाम(२ रिक्त रहेको जानकारी गराउन लागिएको हो ।

नेम्वाङको गत मंगलबार बिहान हृदयघातका कारण निधन भएको थियो भने हिजो बिहीबारको प्रतिनिधि सभा बैठकमा शोक प्रस्ताव पारित गरिएको थियो ।

आजकै बैठकमा कानून, न्याय तथा संसदीय मामिला मन्त्री धनराज गुरुङले “केही नेपाल ऐन संशोधन गर्न बनेको विधेयक, २०८० लाई दफावार छलफलको लागि सम्बन्धित समितिमा पठाइयोस्” भनी प्रस्ताव प्रस्तुत गर्नेछन् ।

क्याटेगोरी : समाचार
ट्याग : #breaking, #प्रतिनिधि सभा

---

---

---