संविधानसभा अध्यक्ष तथा पूर्वसभामुख सुवासचन्द्र नेम्वाङको निधनमा राष्ट्रियसभाले शोक प्रस्ताव पारित गरेको छ ।

आज बसेको बैठकले सर्वसम्मत रुपमा शोक प्रस्ताव पारित गरेको हो । नेम्वाङको निधनको शोकमा राष्ट्रियसभामा एक मिनेट मौनधारण पनि गरिएको थियो ।

अस्ति मंगलबार हृदयघातबाट निधन भएका नेम्वाङको आज दिउँसो राजकीय सम्मानका साथ पशुपति आर्यघाटमा अन्त्येष्टि गरिएको छ । उहाँको निधनप्रति शोक व्यक्त गर्दै सरकारले आज सार्वजनिक बिदासमेत दिएको छ ।

प्रतिनिधिसभा सदस्यसमेत रहेका नेम्वाङ्ग प्रमुख प्रतिपक्षी दल एमालेका उपाध्यक्षसमेत हुनुहुन्छ । नेम्वाङ २०४८ र २०५२ सालमा राष्ट्रियसभा सदस्य पनि रहनुभएको थियो ।

राष्ट्रियसभाको अर्को बैठक आउँदो असोज १२ गते दिउँसो १ बजे पुनस् बस्नेछ । सांसदको निधनमा शोक प्रस्ताव पारित गरेपछि त्यस दिन बैठक नबस्ने प्रचलन छ ।

क्याटेगोरी : समाचार
ट्याग : #breaking, #राष्ट्रियसभा बैठक

---

---

---