गुल्मपति पण्डितको शव हेलिकप्टरबाट काठमाडौं ल्याइँदै

साझापाना २०८० भदौ २७ गते १२:२२ मा प्रकाशित

सम्पर्कविहिन भएको १७ दिनपछि फेला परेको नेपाली सेनाका गुल्मपतिको शव काठमाडौं ल्याउन थालिएको छ । डोल्पाको सदरमुकाम दुनैस्थित नन्द बक्स गुल्मका इञ्चार्ज विमल पण्डितको शव हेलिकप्टरमार्फत काठमाडौं ल्याउन थालिएको हो ।

गत भदौ १० गतेदेखि बेपत्ता गुल्मपति पण्डितको शव दुनैबाट १८ किलोमिटर पश्चिम ठूलीभेरी नदीबीच ठूलो ढुङ्गाको चेपमा फेला परेको थियो । अनुहार नचिनिने अवस्थामा फेला परेको शव औंठी र घडीको आधारमा पहिचान भएको हो ।

त्यस्तै, रुकुममा पनि एक जना सिपाहीले हिजो आत्महत्या गरेका छन् । सिपाहीले ब्यारेकभित्रै आफ्नै घाँटी रेटेको बताइएको छ । उनको पनि शव हेलिकप्टरमार्फत काठमाडौं ल्याइँदैछ ।

क्याटेगोरी : समाचार
ट्याग : #विमल पण्डित