कृषि टेलिभिजनका सञ्चालकहरुविरुद्ध पक्राउ पूर्जी जारी भएको छ । जिल्ला प्रहरी परिसर, ललितपुरले टेलिभिजनका सञ्चालक तेजविक्रम थापामगर र सम्झना कर्णिकारविरुद्ध पक्राउ पूर्जी जारी गरेको छ ।
बैंकिङ कसूरको आरोपमा उनीहरुविरुद्ध पक्राउ पूर्जी जारी भएको परिसरले जनाएको छ । कृषि बहुउद्देश्यीय सहकारी संस्थाको अध्यक्षसमेत रहेका उनी गोरखा र कृषि टेलिभिजनका सञ्चालक हुन् ।

ललितपुरको जावलाखेलमा कार्यालय रहेको टेलिभिजनमा आबद्ध पत्रकारहरु तलब नदिएपछि लामो समयदेखि आन्दोलनरत छन् । महिनौंदेखि तलब नपाएका पत्रकारहरुलाई उनले पैसा नभएको बैंक खाताको चेक दिएर झुल्याउँदै आएका थिए । तीन साताअघि दुई जना पत्रकारले उनीविरुद्ध परिसरमा उजुरी हालेपछि पक्राउ पूर्जी जारी भएको हो ।

थप समाचार

टोखा नगरपालिकाको दोस्रो नगर खेलकुद प्रतियोगिता सुरु, वादोकाई करातेबाट उद्घाटन,…

रास्वपा बैठकमा उठ्यो रवि–बालेन सम्बन्धको चिसोदेखि न्यायाधीशको महाभियोग

अर्नब चक्रवातको प्रभाव कमजोर हुँदै, मौसममा क्रमिक सुधार

कुलेखानी जलाशय भरिँदै, तल्लो तटीय क्षेत्रका बासिन्दालाई सतर्क रहन आग्रह