हिम रश्मीले गर्‍यो कक्षा ११ मा भर्ना हुनेलाई स्वागत र १२ उत्तिर्ण विद्यार्थी अभिनन्दन कार्यक्रम

साझापाना २०८० भदौ १० गते १०:०३ मा प्रकाशित

भदौ, काठमाडौं । हिम रश्मि हाई स्कुल तथा कलेजले कक्षा १२ उत्तिर्ण विद्यार्थीहरुलाई शुक्रबार साँझ एक कार्यक्रमको आयोजना गरी अभिन्नदनका साथ बिदाई गरेको छ । तारकेश्वरमा गुणस्तरीय शिक्षा प्रदान गर्दै आएको हिम रश्मीले विद्याथीहरुलाई उच्च शिक्षाका लागि विश्वका जुनसुकै क्याम्पसहरुमा गएर पढ्न सक्ने बनाएर बिदाई गरेको विद्यालयका संस्थापक प्रिन्सिपल लोकेन्द्रबहादुर खड्काले बताउनुभयो ।

खड्काकाअनुसार करिव ६० जना विद्यार्थीहरुलाई उज्जवल भविष्यको शुभकामनासहित बिदाई गरिएको छ । त्यस्तै यसैपटक विज्ञान र व्यवस्थापनमा गरी कक्षा ११ मा भर्ना भएका करिव १०० जना विद्यार्थीहरुलाई स्वागत समेत गरेको छ । सो कार्यक्रममा वेलहाम्स क्याम्पसका प्रमुख प्रा.डा. लोकेन्द्र शेरचनले उच्च शिक्षाका लागि आफ्नो नजिकका क्याम्पसहरुमा पनि आफुले चाहेको विषय पाएमा ठूला क्याम्पसहरुमा जान नपर्ने बताउनुभयो ।

शेरचनले कक्षा ११ मा भर्ना भएका विद्यार्थीहरुलाई एसईई जस्तै उत्कृष्ट गरेर अध्ययन गरे विद्यार्थीले जहाँ गएर भएपनि आफ्नो भविष्य राम्रो हुने बताउनुभयो । कार्यक्रममा नागरिक सचेतना समाज नेपालका अध्यक्ष तथा विद्यालयका सल्लाहकार प्रा.श्यामकृष्ण विष्ट न्यू एरा स्कुलका राजेश रायमाझी लगायत अतिथिहरुले कार्यक्रममा शुभकामना दिनुभएको थियो ।