संखुवासभाको मादीमा मनाईयो धान दिवश ( फोटोफिचर भिडियो )

मध्य असार हुँदापनि संखुवासभामा मुस्किलले ७ प्रतिशत मात्रै रोपाइ

सुजन बज्राचार्य २०८० असार १५ गते २२:१० मा प्रकाशित

संखुवासभाको मादी नगरपालिका- ४ ओखरबोटेमा राष्ट्रिय धान दिवसको अवसरमा रोपाइँ महोत्सवको आयोजना गरिएको छ ।

मादी नगर स्तरीय महिला संजाल र मादी नगरपालिकाको आयोजनामा पहिलो पटक ओखरबोटेको मादी उच्च मा.बि विद्यालय छेउमा धान दिवस तथा रोपाइँ महोत्सवको आयोजना गरिएको हो ।

महोत्सवका अवसरमा खेतमा धान रोपाइँपछि दही चिउरा खाएर मनाइएको थियो। “कृषि नै जीवनको मुल आधार, वितरणमूखी भन्दा पनि कृषिमा प्रोत्साहन” भन्ने नाराका साथ धान दिवस मनाइएको नगर उपप्रमुख सुनिता भटराई दाहालले बतानुभयो ।

मादी नगरले यो बर्षको बजेट कृषिमूखी बनाएको नगर प्रमुख जीवन लिंथेपले बताउनु भयो । उँहाले भन्नुभयो- यस पटक नगरसभाले वितरणमूखी भन्दा पनि कृषिमा प्रोत्साहन गर्ने खाल्को नीति ल्याएका छौ । बाझो जग्गालाई कृषि उत्पादनमा बढावा दिने कृषकलाई पुरस्कृत गर्ने निती ल्याएको नगर प्रमुख लिंथेपले बताउनु भयो ।

मध्य असार हुँदापनि संखुवासभामा मुस्किलले ७ प्रतिशत मात्रै रोपाइ भएको छ । विश्व धान दिवश मनाउने क्रममा कृषि ज्ञान केन्द्रले ७ प्रतिशतमात्रै रोपाई भएको जनाएको हो । भरपर्दो सिंचाई सूबिधा उपलब्ध नहुँदा ९५ प्रतिशत खेत बाझै रहेको हो । अहिले परेको पानीले सबैतिर रोपाई हुन सक्ने अवस्था नभएको कृषि ज्ञान केन्द्र संखुवासभाको भनाई छ ।