तारकेश्वर फुटुङ्गमा पानीको हाहाकार , खानेपानिका मुलधाराहरु सुक्न थाले

साझापाना २०८० वैशाख ३१ गते ११:५५ मा प्रकाशित

फुटुङ्ग काठमाडौं । बढ्दो गर्मी र खडेरीका कारण तारकेश्वर फुटुङ्गमा खानेपानीको हाहाकार भएको छ। प्लटीङ्ग , खेतीयोग्य जमीनको बिनाश एवं बढ्दो शहरीकरणका कारण नगरपालिकाका अधिकांश क्षेत्र सहित फुटुङ्गमा पानीको हाहाकार भएको हो।

कहिल्यै नसुकेका केही पानीका मुहान खडेरीले सुक्दा विकराल समस्या सुरु भएको र इनारको पानि समेत सुक्न थालेको स्थानीय सुरेन्द्र केसीले बताए।

उनका अनुसार अहिले फुटुङ्ग सहितका आसपासका क्षेत्रमा ट्याङ्खरबाट पानि ल्याउन बाध्यता भएको छ ।

खडेरीले फुटुङ्ग सहित तारकेश्वरका तल्लो क्षेत्रमा मुहानहरु सुकेका छन् भने माथिल्लो क्षेत्रका जंगलहरु नांगा देखिन थालेकाछन् ।