काठमाडौं, १९ माघ । राष्ट्रिय स्तवन्त्र पार्टीले सरकारबाट बाहिरिने तयारी गरेको छ । सम्भवत: आजै सरकारबाट बाहिरिने पार्टीको तयारी छ ।

गृहमन्त्रालय नपाउने भएपछि राष्ट्रिय स्वतन्त्र पार्टीले सरकारबाट बाहिरिने तयारी गरेको हो । आज पार्टीको केन्द्रीय समिति र संसदीय दलको बैठक बस्दैछ ।

बैठकले सरकारबाट बाहिरिने निर्णय गर्न सक्ने बताइएको छ । संसदमा १९ जना सांसद भएको रास्वपाले सत्ता गठबन्धनको भागबन्डामा उपप्रधानसहित तीन मन्त्री र एक राज्यमन्त्री पाएको थियो। सोही अनुसार सभापति रवि लामिछाने उपप्रधानसहित गृहमन्त्री बनेका थिए।

उनको पुरानो नागरिकता कायम नभएकाले सांसद पद बदर हुने सर्वोच्चको फैसलापछि उनको पद गुमेको थियो। नागरिकता पुन: प्राप्ति गरेपछि उनले फेरि गृह मै फर्कने इच्छा देखाएका थिए ।

तर, प्रधानमन्त्री पुष्पकमल दाहाल प्रचण्डले उनलाई गृहमन्त्रालय दिन अस्वीकार गरेका छन् ।

क्याटेगोरी : समाचार
ट्याग : #राष्ट्रिय स्वतन्त्र पार्टीद्वारा स्वयमसेवक माग

---

---

---