शहीद सप्ताहमा महानगरको छैटौं दिन शोभाभगवतीमा श्रदाञ्जली सभा

साझापाना २०७९ माघ १५ गते २१:२९ मा प्रकाशित

सीतापौडेल(अर्चना)काठमाडौं।काठमाडौं महानगरपलिकाले शहीद सप्ताहाको छैटौं दिन आज शहीद गंगालाल श्रेष्ठ एवं दशरथ चन्दको सम्झनामा श्रदाञ्जली सभाको आयोजना गरेको छ। देश र जनताको लागि जीवनको आहुती दिने वीर शहीदको सम्झनामा कामपाले सप्ताहव्यापी कार्यक्रम अन्तर्गत आज शोभाभगवतीमा श्रद्धाञ्जली सभा आयोजना गरेको हो ।

कामपाले शहीद दिवसको अवसरमा यहि माघ १० गतेदेखि शहीद सप्ताहा शुरु गरेको थियो ।

देश र जनताको स्वतान्त्रता र स्वाभिमानको माग गर्दा गदै राणा शासकले सन् १९९७ माघ १५ गते गंगालाल श्रेष्ठ एवं दशरथ चन्दलाई काठमाडौंको वडा नम्बर १५ अवस्थित शोभा भगवतीमा मृत्युदण्ड दिएका थिए ।

माघ १० गते शुक्रराज शास्त्रीलाई काठमाडौँको टेकुस्थित पचलीमा र माघ १३ गते धर्मभक्त माथेमालाई सिफलमा मृत्युदण्ड दिएको थियो ।

कामपा १५ नम्बर वडासँगको समन्वयमा सम्पन्न भएको सो श्रदाञ्जली सभामा महानगरपालिकाकी उपमेयर सुनिता डंगोल, महानगरका विभिन्न विभागीय प्रमुख तथा कर्मचारिहरु र १५ नम्बर वडाका विभिन्न सामाजिक संघ संस्थाहरुले शहिद गंगालाल श्रेष्ठ एवं दशरथ चन्दको पूर्णकदको शालिकमा माल्र्यापण गरेका थिए ।

शहीद सप्ताहाको अन्तिम दिन कामपाले भोली माघ १६ गते सोमबार विहान ८ बजेदेखि शान्ति बाटिकाबाट प्रभातफेरी गर्दै लैनचौरमा पुगेर शहीद स्तम्भमा सभा गर्ने अध्यक्ष ईश्वरमान डंगोलले जानकारि दिनुभयो।

महानगरले विं.सं २०१२ देखि शहीद दिवसको अवसरमा शहीद सप्ताह कार्यक्रम गदै आएको बताएको छ ।