काठमाडौं। प्रधानमन्त्री पुष्पकमल दाहाल आत्मदाह गरेका प्रेमप्रसाद आचार्यको विषयमा अहिलेसम्म मौन छन् । उनको सवारी भएकै बेला पारेर आचार्यले संसद् भवन, नयाँ बानेश्वसमा शरिरमा पेट्रोल छर्किएका थिए । उनलाई उपचारको लागि किर्तीपुर पुर्याईएपनि भोलिपल्ट उनले देहत्याग गरेका थिए । यो विषय अहिले राष्ट्रव्यापी रुपमा उठेको छ। उनीप्रति श्रद्धाञ्जली अर्पणको ओइरो छ ।

उनले सार्वजनिक गरेको खातामा सहयोग पनि जारी छ । तर, देशको नेतृत्व गरेका प्रधानमन्त्री दाहालले भने अहिलेसम्म उनको निधनमा कुनै शोक व्यक्त गरेका छैनन् । मन्त्रिपरिषद् बैठकमा भने यो विषयमा छलफल भएको थियो । आचार्यले उठाएका विषयमा भने सरकारले छानबिन गर्ने निर्णय गरेको छ ।

प्रधानमन्त्री दाहालको आधिकारिक फेशबुक पेज सिएम प्रचण्डमा भने उनले एशियन बक्सिङ प्रतियोगिताको फाइनलमा पुगेकी सुष्मा तामाङलाई बधाई दिईएको छ । आज विहान निधन भएका लोकदोहोरी गायक भीम पौडेलको निधनमा दाहालले दुःख व्यक्त गरेका छन् । आचार्यले आत्मदाह गर्नुअघि सामाजिक सञ्जाल फेशबुकमा राज्यको विषयमासमेत कुरा उठाएका छन् । उनले स्वयम प्रधानमन्त्री प्रचण्डको बारेमा समेत उल्लेख गरेका छन् ।

क्याटेगोरी : समाचार
ट्याग : #breaking, #पुष्पकमल दाहाल, #प्रधानमन्त्री, #प्रेमप्रसाद आचार्य

---

---

---