विधान अधिवेशन गर्न जसपाको जिम्मेवारी तोकियो

साझापाना २०७९ पुस २७ गते १२:४२ मा प्रकाशित

काठमाडौं । जनता समाजवादी पार्टी (जसपा) नेपालले विधान अधिवेशनको तयारी काम अगाडि बढाएको छ ।

जसपाको संगठन विभागले पार्टी समितिमा आवद्ध सदस्यहरु, जनसंगठन र क्रियाशिल सदस्यहरुको अभिलेख माग गर्ने सदस्यहरुलाई जिम्मेवारी तोकेरै आफ्नो काम अगाडि बढाएको हो ।

विभागले प्रदेश नं १ मा खगेन्द्र माखिम, मधेश प्रदेशमा कैलाशप्रसाद यादव, अशेश्वर यादव, किरणकुमारी राय र भरतबहादुर खड्का तथा बागमती प्रदेशमा विद्युत बज्राचार्यलाई जिम्मेवारी दिएको प्रचार विभाग प्रमुख पूर्ण बस्नेतले जानकारी दिनुभयो । यसैगरी, गण्डकी प्रदेशमा धनप्रसाद तामाङ र लुम्बिनी प्रदेशमा अशोक कुमार यादव, मञ्जु अन्सारी, बोम दर्लामी मगरलाई जिम्मेवारी दिएको छ ।

राष्टिय समितिहरुमा लाक्पा शेर्पा, खगेन्द्र माखिम, बोम दर्लामी, जनवर्गीय संगठनहरुमा रञ्जु ठाकुर, भीम राई र अशेश्वर यादव, गैर भौगोलिकमा चन्देश्वर प्रसाद सिंह र मञ्जु अन्सारी तथा प्रवास विशेष प्रदेश समितिमा रामसहायप्रसाद यादवलाई जिम्मेवारी दिएको बस्नेतले जानकारी दिनुभयो ।

पार्टीले चैत्रसम्ममा विधान अधिवेशन गर्ने तयारी थालेसँगै विभागले अभिलेख संकलनको कामलाई तिव्रता दिएको हो ।

क्याटेगोरी : समाचार
ट्याग : #जनता समाजवादी पार्टी