टाँडी प्रहरीको सक्रियता : नक्कली नेपाली नोट सहित एक जना पक्राउ

प्रनिश थापा चितवन संवाददाता २०७९ पुस २५ गते १८:४७ मा प्रकाशित

चितवन । प्रहरीले जाली नोटको कारोबारमा संलग्नहरूलाई पटकपटक पक्राउ गर्दै आएको छ । तर, पनि कारोबारीहरु निमिट्यान्न हुनु भने सकेका छैनन् । प्रहरीले जति सक्रियता बढाउँछ, उत्ति फरक शैलीमा उत्रन्छन् कारोबारीहरु ।

चितवन प्रहरीले हिजो (सोमबार) मात्र कालिका नगरपालिका वडा नंम्बर १ बाट एक हजार रुपैयाँँका १३७ थान खोटा मुद्रा जाली नोटसहित एक जना लाई पक्राउ गरेको छ । पक्राउ पर्नेमा कालिका नगरपालिका १ बस्ने ४२ बर्षीया गंगा तामाङ रहेकी छिन् ।

आफ्नो डेरा कोठामा खोटा मुद्रा (जाली नोट) संचय गरी जानी जानी चलन चल्ती गर्नका लागी लुकाईछिपाई राखेको छ भन्ने सूचनाको आधारमा ईलाका प्रहरी कार्यालय टाँडी चितवनबाट खटिएको प्रहरीको विशेष टोलीले सोमबार साँझ ६ बजे तामाङलाई पक्राउ गरेको हो ।

पक्राउ परेकी उनलाई खोटा मुद्रासहित संगठित अपराध तथा निवारण ऐन, २०७० अन्तर्गत मुद्दा सम्बन्धि कसुरमा सम्मानित चितवन जिल्ला अदालतबाट म्याद अनुमति लिइ थप अनुसन्धान गर्ने कार्य भईरहेको प्रहरीले जनाएको छ ।

क्याटेगोरी : अपराध/सुरक्षा, विशेष, देश परदेश, समाचार, स्थानीय