प्रधानमन्त्रीले नेपाल र यादवसँग मागे विश्वासको मत

साझापाना २०७९ पुस २४ गते १३:४४ मा प्रकाशित

काठमाडौं । प्रधानमन्त्री पुष्पकमल दाहाल ‘प्रचण्ड,नेकपा एकीकृत समाजवादी का अध्यक्ष माधवकुमार नेपाल र जनता समाजवादी पार्टीका अध्यक्ष उपेन्द्र यादवबीच भेटवार्ता भएको छ ।

सिंहदरबारस्थित माओवादी संसदीय दलको कार्यालयमा आइतबार बिहान भेटवार्ता भएको हो। सो क्रममा प्रधानमन्त्री प्रचण्डले नेपाल र यादवलाई आफूलाई विश्वासको मत दिन आग्रह गरेका थिए।

प्रचण्डले दुवै नेताबीच भएको छलफल सकारात्मक रहेको बताए। बैठकपछि संक्षिप्त प्रतिक्रिया दिँदै प्रचण्डले भने,’अध्यक्षद्वय नेपाल र यादवसँग छलफल भयो। दुवै नेता विश्वासको मतदिनेबारे सकारात्मक हुनुहुन्छ।’

१६९ सांसदको समर्थनसहित प्रधानमन्त्रीमा नियुक्त भएका प्रचण्डले मंगलबार विश्वासको मत लिँदैछन्।

क्याटेगोरी : समाचार
ट्याग : #उपेन्द्र यादव, #पुष्पकमल दाहाल प्रचण्ड, #माधवकुमार नेपाल