खुलामञ्चमा भूमिगत पार्किङ बनाउने महानगरको निर्णयविरुद्व प्रदर्शन

साझापाना २०७९ पुस १८ गते १५:२१ मा प्रकाशित

काठमाडौं। काठमाडौं महानगरपालिकाले खुलामञ्चमा भूमिगत पार्किङ बनाउने निर्णय गरेपछि त्यसकाविरुद्वमा आज विरोध प्रदर्शन भएको छ ।

सोमबार ‘अक्युपाई टुँडिखेल’ले महानगरपालिकाको कार्यालय अगाडि विरोध प्रदर्शन गरेको हो ।

खुलामञ्चको ऐतिहासिक तथा पुरातात्विक महत्व मासिने गरी पार्किङ बनाउन नहुने भन्दै स्थानीयबासी र संरक्षण अभियान्ताले विरोध प्रदर्शन गरेका हुन् ।

अभियानले टुँडिखेलमा अण्डरग्राउण्ड पार्किङ बनाउनु नहुने भन्दै उपमेयर सुनिता डंगोललाई ज्ञापन पत्रसमेत बुझाएको छ ।

ज्ञापनपत्र बुझ्दै उपमेयर डंगोलले अण्डरग्राउण्ड पार्किङ टुँडिखेलमा आवश्यक्ता हो वा होइन भन्ने बारेमा स्थानीयवासीको आवश्यक सुझाव लिएर मात्रै काम अघि बढाइने बताइन् ।

क्याटेगोरी : समाचार
ट्याग : #hot, #काठमाडौँं महानगरपालिका