अवैध सालको काठसहित मोटरसाइकल बरामद

साझापाना २०७९ मंसीर २५ गते १७:३५ मा प्रकाशित

चितवन । चितवनको भोजाडबाट प्रहरीले अवैध सालको काठसहित मोटरसाइकल बरामद गरेको छ । अस्थायी प्रहरी चौकी भोजाडबाट खटिएको प्रहरी सहायक निरीक्षकको टोलीले आज (आइतबार) बिहान एक बजेको समयमा भरतपुर महानगरपालिका ११ भोजाडस्थित खगेरी पुल नजिकै रहेको नवजागृती सामुदायिक ‍वनबाट तीन थान सालको गोलिया काठसहित मोटरसाइकल बरामद गरेको हो ।

जिल्ला प्रहरी कार्यालय चितवनका अनुसार अवैध रूपमा लुकाइछिपाई पदमपुरतर्फ लैजाँदै गरेको अवस्थामा प्रहरीको गस्ती टोलीलाई देखेपछि ना १६ प २०५७, ना ६ प २६४२ र ग ४ प ५९४३ नम्बरको मोटरसाइकल र काठलाई त्यहीँ छाडेर उनीहरु फरार भएको प्रहरीले जनाएको छ । बरामद गरिएको काठ र मोटरसाइकललाई प्रहरीले नियन्त्रणमा लिएको छ भने घट्नाबारे थप अनुसन्धान भईरहेको चितवन प्रहरीले जनाएको छ ।

क्याटेगोरी : अपराध/सुरक्षा, फोटो फिचर, ब्रेकिंग न्युज, विशेष, देश परदेश, समाचार, स्थानीय