काठमाडौं । जनमत पार्टीले समानुपातिकतर्फ सांसदको नाम निर्वाचन आयोगमा बुझाएको छ ।

प्रतिनिधि सभा सदस्यमा प्रत्यक्षतर्फ १ सिट जितेको पार्टीले समानुपातिकतर्फ ५ सिट प्राप्त गरेको थियो ।

पार्टीले प्रतिनिधि सभा समानुपातिक सदस्यमा अनिता साह र बसन्तकुमार कुशवाहा (मधेशी), सोनु मुर्मर र बिनिताकुमारी सिंह (आदिवासी जनजाति), अब्दुल खान (मुस्लिम) र गोमा लामा सापकोटा (खस आर्य)लाई सिफारिस गरेको छ ।

त्यसैगरी प्रदेशसभाको समानुपातिक सदस्यमा मधेस प्रदेशमा बबिता राउत, अनिताकुमारी साह (मधेशी महिला), चन्दनकुमार सिंह (मधेशी अल्पसंख्यक), रञ्जुकुमारी खंग (खत्वे) (दलित महिला), बसन्तकुमार कुशवाहा (मधेशी), हसिना खातुन (मुस्लिम महिला) र भाग्यश्री कुमारी चौधरी (आदिवासी जनजाति महिला) सिफारिस गरिएको पार्टीका उपत्यका इन्चार्ज हरेन्द्र चौधरीले जानकारी दिनुभयो ।

पार्टीले लुम्बिनी प्रदेशमा समानुपातिक सदस्यमा सुमन शर्मा रायमाझी र आदिवासीतर्फ गिता गुरुङलाई सिफारिस गरेको छ ।

नमत पार्टीले प्रत्यक्षतर्फ प्रतिनिधिसभामा १ सिट र प्रदेशसभामा मधेस प्रदेशमा ६ र लुम्बिनीमा १ गरी ७ प्रदेशसभा सदस्य जितेको थियो ।

क्याटेगोरी : समाचार
ट्याग : #जनमत पार्टी, #निर्वाचन आयोग

---

---

---