सीता पौडेल (अर्चना)

काठमाडौं ।  प्रेस काउन्सिल नेपालका अध्यक्ष बालकृण्ण बस्नेतले आम पत्रकार तथा सञ्चारमाध्यामले लैंगिकताको विषयमा समाचार तथा सूचनाजन्य सामाग्री संकलन,प्रकाशन तथा प्रसारण गर्दा पत्रकार तथा आम सञ्चारमाध्यामले विषयप्रतिको संवेदनशीलतालाई ध्यान दिनु जरुरी रहेको बताउनु भएको छ ।

यूनेस्कोको सहयोगमा काउन्सिलद्धारा हालै काठमाडौंमा आयोजित लैंगिक संवेदनशील समाचार रिपोर्टिङ सम्बन्धी दुई दिने प्रशिक्षणमा अध्यक्ष बस्नेतले पत्रकारले सधैं पत्रकारिताको धर्म र मर्मलाई ख्याल गर्दै पेशाप्रति कटिबद्ध हुनु पर्ने बताउनु भयो।

न्युजरुम र समग्र पत्रकारिता लैंगिक मैत्री बनाइनका लागि काउन्सिल पत्रकार तथा सञ्चारमाध्यामसँगै सहकार्य गरेर अघि बढ्न तयार रहेको बताउँदै उहाँले महिला ,पुरुष र यौनिक तथा अल्पसंख्यकका विषयलाई समान प्राथमिकतामा राख्न सके मात्र पत्रकारिता लैंगिक मैत्री बनेको ठहरीने स्पष्ट पार्नु भयो।

अध्यक्ष बस्नेतले हल कार्यान्वयनमा रहेको अनलाइन सञ्चार माध्याम सञ्चालन निर्देशिका २०७३ (पहिलो संशोधन २०७४ ,तथा दोस्रो संशोधन २०७४) एक वर्षमा दुई पटक संशोधन गर्दा पनि यसले अनलाइन पत्रकारितामा देखिएको चुनौतिलाई सम्बोधन गर्न नसकेकाले संशोधनको थप आवश्यक्ता औल्याउनु भयो।

क्याटेगोरी : समाचार
ट्याग : #press council, #बालकृण्ण बस्नेत

---

---

---