गोरखा क्षेत्र नं २ को प्रतिनिधिसभा र प्रदेशसभातर्फको समानुपातिक मत सार्वजनिक भएको छ । निर्वाचन अधिकृतको कार्यालयद्वारा गोरखा २ को प्रतिनिधिसभा र प्रदेशसभातर्फको मत सार्वजनिक गरिएको हो ।

गोरखामा २ मा प्रतिनिधिसभातर्फ कुल एक लाख पाँचहजार दुई सय ४० मतदाता रहेकोमा जम्मा ५४ हजार एक सय ७३ मत खसेको थियो । तीमध्य पनि ५१ हजार दुईसय १४ मत सदर भए भने दुई हजार नौ सय ५९ मत बदर भए ।

प्रतिनिधिसभातर्फ खसेको समानुपातिक मतका आधारमा सबै भन्दा धेरै नेकपा माओवादीले १९ हजार मत प्राप्त गरी पहिलो स्थानमा छ । नेपाली काँग्रेसले ११ हजार आठ सय ८२ मत प्राप्त गरी दोस्रो स्थानमा छ भने राष्टिूय स्वतन्त्र पार्टी आठ हजार ९ सय ९९ मत प्राप्त गरी तेस्रो स्थान कायम गर्न सफल भएको छ । यहाँ समानुपातिक मतका आधारमा नेकपा एमाले चौथौ दल बनेको छ । एमालेले ६ हजार एक सय ८५ मत मात्र प्राप्त गरेको छ ।

प्रतिनिधिसभाको समानुपातिकतर्फ नै राष्टिूय प्रजातन्त्र पार्टीले एक हजार आठ सय ४६, मंगोल नेशनल अर्गनाइजेशनले एक हजार २०, एकीकृत समाजवादी पार्टी र नेपाल कम्युनिष्ट पार्टी(माक्सवादी लेनिनवादी) ले तीन सय ७०÷ तीन सय ७० मत ल्याएका छन् ।

हाम्रो नेपाल पार्टीले तीन सय ३, जनमत पार्टीले एक सय ६४, नेपाल आमा पार्टीले एक सय ६४ र जनता समाजवादी पार्टीले एक सय ५९मत ल्याएका छन् । प्रतिनिधिसभातर्फ समानुपातिक कुल ४७ दलमध्ये अन्य दलले एक सयभन्दा कम मत ल्याएका छन् ।

क्याटेगोरी : समाचार
ट्याग : ##गोरखा, #राष्ट्रिय स्वतन्त्र पार्टीद्वारा स्वयमसेवक माग

---

---

---