गोरखा । गोरखा निर्वाचन क्षेत्र नम्बर १ को बाम लोकतान्त्रिक गठबन्धका तर्फबाट कांग्रेसका उम्मेदवार राजेन्द्र बजगाईले अग्रता कायम राखेका छन् ।

२५ सय ७४ मत गणना हुदा बजगाईले १८ सय २१ म्त प्राप्त गरेका छन भने उनका निकटतम प्रतिद्धन्दी नेकपा एमालेको उम्मेदवार रामशरण बस्नेतले ४ सय १९ मत प्राप्त गरेका छन् ।त्यस्तै, राष्ट्रिय स्वतन्त्र पार्टी सुवर्ण रोकाहा एक सय र जनता समाजवादी पार्टीका रुपेश रानाले २१ मत प्राप्त गरेका छन् ।

जिल्ला समन्वय समितिको भवनमा रहेको मुख्य निर्वाचन अधिकृतको कार्यालयमा मतगणना जारी छ । सोमबार साँझ मात्र सो क्षेत्रका सबै मतपेटिका संकलन भएको थियो । सडक सञ्जाल नजोडिएको उत्तरी गोरखाको चुमनुव्री गाउँपालिकाका मतपेटिका हेलिकप्टर मार्फत ढुवानी गरिएको हो ।

मंगलबार बिहान दश बजे बसेको सर्वदलीय बैठक पश्चात मतगणना सुरु गरिएको हो । गोरखा–१ मा कुल ५९ हजार ८९ मत खसेको छ ।

यो क्षेत्रबाट २०७४ सालमा नेकपा माओवादी केन्द्रका हरि अधिकारी निर्वाचित भएका थिए ।

क्याटेगोरी : समाचार
ट्याग : ##गोरखा, #hot, #राजेन्द्र बजगाईँ, #रामशरण बस्नेत

---

---

---