सनातन धर्मसापेक्ष हिन्दुराष्ट्र , राजसंस्थाको राजनीतिक एजेण्डा नै आफ्नो पार्टीको चुनावी एजेण्डा -चिराग कुवँर
काठमाडौं – राष्ट्रिय प्रजातन्त्र पार्टीका केन्द्रीय सदस्य एवं काठमाडौं क्षेत्र नं ६ को प्रदेश (ख) बाट प्रदेश सांसद पदको उम्मेदवार चिरागमान सिंह कुवँरले सनातन धर्मसापेक्ष हिन्दुराष्ट्र सहित संवैधानिक राजसंस्थाको राजनीतिक एजेण्डा नै आफ्नो पार्टीको चुनावी एजेण्डा भएको बताएका छन् ।
यसका साथै राष्ट्रिय प्रजातान्त्रिक ट्रेड युनियनका संस्थापक अध्यक्ष समेत रहेका नेता कुवँरले कल्याणकारी राज्यको आर्थिक एजेण्डासहित नेपालको राजनीतिमा राप्रपाले उठाएका मुद्दाहरु नै आफ्नो चुनावी एजेण्डा रहेको उद्घोष गरेका छन् ।

काठमाडौंमा आयोजित एक कार्यक्रमलाई सम्बोधन गर्दै नेता कुवँरले उदार अर्थतन्त्रको अवधारणामा हिँडेर नै नेपाललाई समृद्ध मुलुक बनाउन सकिने धारणा राखे ।
नेता कुवँरले देशको राजनीतिक अवस्था परिवर्तन हुन नयाँ नेतृत्वको विकल्प नभएको बताउँदै भने, ‘काँग्रेस र कम्युनिष्टको शासन आएसँगै देशको अवस्था थप रुग्ण र अव्यवस्थित हुन थाल्यो । अब नयाँ नेतृत्व नआई हुँदैन भनेर जनताले बुझेका छन् । त्यसैले अबको विकल्प भनेको राप्रपा नै हो ।’
तीनदशकदेखि राप्रपाको राजनीतिमा सक्रिय नेता कुवँर तारकेश्वर नगरपालिका सांग्लाका स्थायी बासिन्दा हुन् । उनले नेपालको राजनीतिक र सामाजिक परिवेशमा राप्रपामा धेरै उदाहरणीय कामहरु गरेर देखाउन सक्ने नेतृत्वदायी र उत्तरदायी नेताहरु भएकाले अबको वैकल्पिक शक्ति राप्रपा नै भएको दाबी गरे ।
काठमाडौं क्षेत्र नं ६(ख) अन्तर्गत टोखा नगरपालिकाको वडा नं १,८ र ११ एवं तारकेश्वर नगरपालिकाको १,२,६,७,८,९,१०,११ नं वडाहरु रहेका छन् ।
उक्त क्षेत्रको जनताको हितका लागि नेता कुवँरले लामो समयसम्म सामाजिक, राजनीतिक रुपमा कार्य गरेका छन् । आफूले गरेका कामहरुको फेहरिस्त जानकारी गराउँदै नेता कुवँरले भने, ‘अबको निर्वाचनमा जनताले न्याय गर्ने बेला आएको छ ।’
प्रजातान्त्रिक ट्रेडयुनियनका माध्यमबाट मजदुर वर्गको अधिकारका लागि क्रियाशील नेता कुवँरले यसपटकको निर्वाचनमा जनताले आफूमाथि न्याय गर्नेमा विश्वस्त रहेको बताए ।
राज्यदोहनमा मग्न दलहरुप्रति जनताको भरोसा सकिएको र राष्ट्रिय राजनीतिलाई सुधार गर्नु आजको आवश्यकता समेत रहेको बताउँदै नेता कुवँरले भने, ‘अझै काँग्रेस कम्युष्टिलाई भोट दिएर गल्ती गर्ने हो त ? दशकौंसम्म देश निर्माण गर्न नसकेर राज्यदोहनमा मग्न दलहरुलाई जिताएर हामीले भावी सन्ततिलाई कस्तो देश छाडेर जाने हो ?’
क्याटेगोरी : समाचार
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा












तपाईको कमेन्ट लेख्नुहोस्