गोरखाको कुन पालिकामा कति मतदाता ? हेर्नुहोस् तालिकासहित

साझापाना २०७९ असोज ५ गते १६:१६ मा प्रकाशित

गोरखा । आगामि मंसीर ४ गते हुने प्रतिनिधिसभा तथा प्रदेशसभा निर्वाचनमा गोरखाका दुईलाख २० हजार ६३७ मतदाताले मतदान गर्दैछन् । क्षेत्र नं. १ मा एकलाख १५ हजार ३९७ र क्षेत्र नं. २ मा एकलाख पाँच हजार २४० मतदाताले मतदान गर्न पाउने भएका निर्वाचन कार्यालय गोरखाले जनाएको छ ।

जसमध्य क्षेत्र नं. १ को प्रदेश सभा क्षेत्र कबाट ६० हजार ७४४ जना, प्रदेश क्षेत्र नं. ख बाट ५४ हजार ६५३ जनाले मतदान गर्न पाउने भएका छन् । त्यस्तै क्षेत्र नं. २ को प्रदेशसभा क्षेत्र क बाट ५० हजार ३७६ जना र खबाट ५४ हजार ८६४ जनाले मतदान गर्न पाउने कार्यालयले जनाएको छ ।
गत स्थानीय तह निर्वाचनमा दुईलाख १८ हजार ५६३ मतदाता रहेकामा यसपटक दुईहजार ७४ मतदाता बढेर दुईलाख २० हजार ६३७ भएका हुन् ।

कार्यालयबाट प्राप्त तथ्यांकअनुसार यसपटक चुमनुब्री गाउँपालिकामा पाँचहजार १९४ जना मतदान कायम भएका छन् । धार्चे गाउँपालिकामा १० हजार ८९६ र आरुघाटमा १८ हजार ७६९ मतदाता कायम भएका छन् ।

त्यस्तै भीमसेनथापा गाउँपालिकामा १९ हजार ८३९ र गण्डकी गाउँपालिकामा १८ हजार ५७४ जना मतदाता कायम भएका छन् । त्यस्तै सहिद लखन गाउँपालिकामा २३ हजार ९७० र गोरखा नगरपालिकाको वडा नं. १ देखि ७ सम्म १८ हजार दुईसय मतदाता कायम भएका छन् ।
त्यस्तै गोरखा नगरपालिकाकै वडा नं. ८ देखि १४ सम्म १७ हजार ५४८ र पालुङ्टार नगरपालिकामा ३२ हजार ८२८ मतदाता कायम भएका छन् । त्यस्तै सिरानचोक गाउँपालिकामा २१ हजार ४५२, अजीरकोट गाउँपालिकामा १२ हजार सातसय र बारपाक सुलीकोट गाउँपालिकामा २० हजार ७१२ जना मतदाता कायम भएका छन् ।

प्रतिनिधिसभा र प्रदेश सभाको निर्वाचनका लागि गोरखामा दुईसय २२ मतदानस्थल र तीनसय १७ मतदानकेन्द्र निर्धारण गरिएको निर्वाचन कार्यालय गोरखाले जनाएको छ ।

दरौँदी दैनिक

क्याटेगोरी : समाचार
ट्याग : ##गोरखा, #गोरखाको कुन पालिकामा कति मतदाता, #प्रतिनिधिसभा तथा प्रदेशसभा निर्वाचन