अपडेट : चीनमा गएको भुकम्पमा परि मृत्यु हुनेको संख्या ६५ पुग्यो

साझापाना २०७९ भदौ २१ गते १३:४९ मा प्रकाशित

चीन। चीनको दक्षिणप्रश्चिम प्रान्त सिचुवानको लुडिङ काउन्टीमा गएको ६.८ म्याग्निच्युडको भूकम्पमा परी मृत्यु हुनेको संख्या ६५ पुगेको छ । भूकम्पमा परी एक सय ७० जना बढी घाइते भएको स्थानीय अधिकारीहरूले बताएका छन् ।
स्थानीय समयअनुसार सोमबार १२ बजेर ५२ मिनेटमा लुडिङ काउन्टीभन्दा ३९ किलोमिटर टाढाको स्थललाई केन्द्रबिन्दु बनाएर भूकम्प भएको चाइना भूकम्प नेटवर्क सेन्टरले जनाएको छ ।
भूकम्पको धक्का केन्द्रबिन्दुबाट दुई सय २६ किलोमिटर टाढा रहेको सिचुवान प्रान्तको राजधानी छन्दुमा पनि महसुस गरिएको थियो ।

क्याटेगोरी : अन्तर्राष्ट्रिय, समाचार
ट्याग : #चीनमा गएको भुकम्पमा परि मृत्यु हुनेको संख्या ६५ पुग्यो