काठमाडौँ । आगामी मंसिर ४ गते हुने प्रतिनिधि सभा र प्रदेश सभा निर्वाचनका सिटबाँडफाँटमा जुटेका सत्ता गठबन्धन दलहरुबीचको सहमति अन्तिम चरणमा पुगेको सरकारका प्रवक्ता समेत रहेका कांग्रेस नेता ज्ञानेन्द्रबहादुर कार्कीले जानकारी दिए ।
बिहीवार बिहानदेखि राति १० बजेसम्म प्रधानमन्त्री निवासमा चलेको छलफल सहमतिको नजिक पुगेको र अबको दुईदिनभित्र त्यसको रिजल्ट आउने उनले बताए ।

“कुरा मिल्नको लागि नै यति लामो समय लागेको हो । न्यायचित र सम्मानजनक ढंगले र सबैले मैले जित्य भन्ने स्पिडका साथ हामीले भाग बण्डा अथवा सिटको बाँडफाँडको अन्तिम चरणमा पु¥याएका छौं । अबको दुई दिन पछि सम्पुर्ण रुपले आ आफ्नो हिसावले गृहकार्य गरेर अन्तिम चरणको निर्णय सुनाउने छौं । ”

न्यायोचित रुपमा सिट बाँडफाँट गर्ने र निर्वाचन जित्ने भन्दा देशलाई मिलेर अघि बढाउने विषयमा छलफल भएको उनको दाबी छ ।

 

क्याटेगोरी : समाचार
ट्याग : #hot, #ज्ञानेन्द्रबहादुर कार्की, #प्रतिनिधि सभा र प्रदेश सभा निर्वाचनमा १० अर्ब खर्च हुने अनुमान

---

---

---