सुनकोसी बहुमुखी क्याम्पसले मनायो २३औँ स्थापना दिवस

साझापाना २०७९ भदौ १७ गते १०:२० मा प्रकाशित

काठमाडौं । सिन्धुपाल्चोक जिल्लाको पहिलो क्याम्पसका रुपमा स्थापना भएको सुनकोसी बहुमुखी क्याम्पसले आफ्नो २३औँ स्थापना दिवस मनाएको छ ।

उक्त स्थापना दिवस कार्यक्रममा प्रमुख अतिथीका रुपमा बाग्मती प्रदेशका पूर्वमन्त्री तथा संसदअरुण नेपाल थिए भने विशिष्ट अतिथी पूर्वमन्त्री तथा संसद सरेस नेपाल रहेका थिए ।

कार्यक्रममा सुनकोसी गाउपालिका अध्यक्ष, उपाध्यक्ष,६ र ७ न वडाका अध्यक्षहरु र त्रीपुरासुन्दरी गाउपालिकाका अध्यक्ष,उपाध्यक्ष तथा अन्य केही वडा अध्यक्षहरुलाई सम्मान गरिएको छ ।

त्यस्तै,बलेफी गाउपालिकाका अध्यक्ष, उपाध्यक्ष तथा केही वडाका वडा अध्यक्षहरुलाई पनि सम्मान गरेको थियो ।

भुकम्पले क्षेतिग्रस्त बनाएको क्याम्पसलाई हाल व्यवस्थित रुपमा पुर्ननिर्माण गरिएको छ । कार्यक्रममा प्रमुख अतिथी तथा विशेष अतिथिले क्याम्पसको व्यवस्था र विकासमा आफुले ध्यान दिने र अब गुणस्तरीय शिक्षा दिनेतर्फ जोड दिनुपर्ने बताए।

क्याम्पस स्थापनादेखि निरन्तर शिक्षा क्षेत्रमा महत्वपूर्ण योगदान पुर्याउदै आएका अध्यक्ष सुकदेब तिमल्सिनाले आगामी दिनमा पनि आफुले यस्तै सहयोग र छात्रवृत्तिलाई निरन्ततता दिने बताए ।

स्थापना दिवसको अवसर पारेर क्याम्पस सञ्चालक समितिका अध्यक्ष सुकदेब तिमल्सिनाले आफुले प्राप्त गरेको सामाजिक सुरक्षा भत्ता वाफतको १ वर्षको रकम ४८ हजार रुपैयाँ क्याम्पसलार्र्इ हस्तान्तरण गरेका छन् । सो पैसाले २० जना विद्यार्थीलाई छात्रवृत्ति प्रदान गरिएको थियो ।

क्याटेगोरी : समाचार
ट्याग : #hot, #सुनकोसी बहुमुखी क्याम्पस