काठमाडौं । राष्ट्रपति विद्यादेवी भण्डारीले संघीय सदनका दुवै संसदबाट पारित विवादित नागरिकता विधेयक फिर्तासहित १५ बुँदे सन्देश पठाएकी छन् ।

आइतबार राष्ट्रपति भण्डारीले विधेयक पुनर्विचार गर्न भन्दै १५ बुँदे सन्देशसहित फिर्ता पठाएकी हुन् ।

विधेयक प्रतिनिधिसभाका सभामुखबाट पारित भइ साउन १५ गते प्रमाणीकरणका लागि राष्ट्रपति भण्डारीसमक्ष पेश गरिएको थियो ।

राष्ट्रपति कार्यालयका प्रवक्ता सागर आचार्यका अनुसार राष्ट्रपति भण्डारीले पुनर्विचार गर्न भन्दै नागरिकता विधेयक आइतबार संसद्मा फिर्ता पठाएकी हुन् ।

राष्ट्रपतिले १५ दिनभित्र प्रमाणीकरण गर्ने वा पुनर्विचारका लागि पठाउने निर्णय दिनुपर्नेमा १३ औं दिनमा उनले फिर्ता पठाएकी हुन् ।

राष्ट्रपतिले विधेयक फिर्ता गर्दै उठाएका १५ सन्देशहरु यस्ता छन्ः

१. संसद्मा गहिरो गरी छलफल नभएकाले अझै गहिरो गरी छलफल गर्न आग्रह

२. तत्कालीन राजा वीरेन्द्रको पालामा गठन भएको नागरिकता समस्या सुझाव आयोगको स्मरण

३. नागरिकता’दयगत हाम्रो उतारचढावयुक्त इतिहासको वस्तुनिष्ठ समीक्षा गर्न आग्रह

४. नागरिकताका सिद्धान्तमा स्पष्टताको खोजी गर्न आग्रह

५. नागरिकता प्राप्तिका सम्बन्धमा विगतदेखि नै कायम रहेका सवाल सम्बोधन गर्नुपर्ने दायित्व

६. अंगीकृत नागरिकताको विषयलाई स्थायी रूपमा समाधान गरिनुपर्ने

७. यहाँको सामाजिक यथार्थलाई सम्बोधन हुनेगरी लागू गर्नुपर्ने

८. प्रतिनिधि सभाको राज्य व्यवस्था तथा सुशासन समितिको प्रतिवेदनमा चासो

९. तत्कालीन राजनीतिमा नाफाघाटाको विषय बनाउन वा कुनै खास वर्ग वा समुदायका नागरिकको आत्मसम्मानमा ठेस पुग्नेगरी सधैं लम्ब्याइरहनु उपयुक्त नहुने

१०. मधेसको भावना सम्बोधनका लागि स्थायी समाधान खोज्न आग्रह

११. स्वघोषणा’दयगत गम्भीर ध्यानाकर्षण

१२. प्रादेशिक पहिचान’दयगत संविधानको व्यवस्था ऐनमा नदेखिएको

१३. अध्यादेशबाट कानुन निर्माण हुने प्रक्रिया र विधेयकबाट कानुन निर्माण हुने प्रक्रिया फरक रहेको तथ्यको स्मरण

१४. तत्काल छलफल गरी पुनः प्रमाणीकरणका लागि विधेयक पेस गर्न संसद्लाई आग्रह

१५. संविधानको धारा १६ लाई सँगै राखेर गरिएको खण्डमा अझ प्रासंगिक र स्पष्ट हुन सक्ने

क्याटेगोरी : समाचार
ट्याग : #breaking, #नागरिकता विधेयक, #विद्यादेवी भण्डारी

---

---

---