मेलम्ची-पाँचपोखरी सडक भासिँदा नागरिक जोखिमपूर्ण यात्रा गर्न बाध्य
सिन्धुपाल्चोक । मेलम्ची —पाँचपोखरी सडक भासिँदा यहाँका नागरिक जोखिमपूर्ण यात्रा गर्न बाध्य भएका छन् ।
मेलम्ची —९ ज्यामिरे राम्चेडाँडामा पहिरो गएको करिब दुई साता भइसकेको छ । यस क्षेत्रको एक मात्र विकल्पको रुपमा रहेको मेलम्ची —पाँचपोखरी सडक तलबाट भासिएर पहिरो जाँदा यात्रा गर्न निकै जोखिम रहेको छ ।
सडक जीर्ण हुँदा समेत जोखिम मोलेर जसोतसो यातायातका साधनहरू गुडिरहेका छन् । यसले गर्दा कति बेला अप्रिय घटना घट्छ भन्न सकिने अवस्था नरहेको पाँचपोखरी थाङपाल गाउँपालिका स्थानीय सुन्दर सापकोटाले बताउनुभयो ।
केही दिन अगाडि मात्रै मेलम्ची नगरपालिकाका प्रमुख आइतमान तामाङ, इन्जिनियर लगायतको टोलीले अवलोकन गरि तत्काल सडक मर्मत गर्ने बताए पनि अझै सडक मर्मतको काम सुरु हुन सकेको छैन ।
पाँचपोखरी थाङ्पाल गाउँपालिकाका प्रवक्ता नारायण भट्टराईले मेलम्ची नगरपालिकालाई छिटोभन्दा छिटो सडक मर्मत गरि व्यवस्थित बनाउन आग्रह गर्नुभयो
गाउँपालिका अध्यक्ष टासी लामाले पटक पटक नगरपालिकालाई आग्रह गरेको तर काम नभएको गुनासो गर्नुभयो ।
मेलम्ची नगरपालिकाका प्रमुख आइतमान तामाङले बजेट विनियोजन भइसकेको भन्दै अब काम सुरु हुने बताउनुभयो ।
उहाँले माथि काट्ने ठाउँ नभएका कारण तलबाट वाल लगाउनुपर्ने भएकाले केही ढिला भएको बताउनुभयो ।
क्याटेगोरी : समाचार
ट्याग : #मेलम्ची —पाँचपोखरी सडक, #मेलम्ची-पाँचपोखरी सडक भासिँदा नागरिक जोखिमपूर्ण यात्रा गर्न बाध्य
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्