दीपेन्द्र र सीमालाई द फ्लिक मोडल्सको उपाधि थप सामग्री
काठमाडौं । पहिलो संस्करणको द फ्लिक मोडल्स नामक मोडलिङ प्रतियोगितामा गायक तथा मोडल दीपेन्द्र सोनाम र व्युटिसीयन तथा मेकअप आर्टिष्ट सीमा श्रेष्ठले प्रमुख उपाधि चुम्नु भएको छ । नेपाली मोडलिङ क्षेत्रको प्रवद्र्धन तथा मोडल उत्पादनका लागि फोकस फेसनले राजधानीमा आयोजना गरेको यस प्रतियोगितामा उहाँहरुले उपाधिबापत ५० हजार रुपैयाँ नगद प्राप्त गर्नुभएको छ ।
सिन्धुपालचोकका दीपेन्द्र गायक, मोडल र युवा व्यवसायी हुनुहुन्छ । सात गीत गाइसक्नु भएका उहाँले तीन दर्जन म्युजिक भिडियोमा मोडलिङ गरिसक्नुभएको छ । भने हालै ‘तिमी मेरै बन न’ नामक चलचित्रमा प्रमुख भूमिकामा अभिनय गर्नुभएको छ । उहाँले प्रमुख उपाधिका साथ मिस्टर लिडरसीप, वेष्ट ड्रेस र मिस्टर फोटोजेनिकको उपउपाधिलाई समेत आप्mनो बनाउनुभएको छ ।
त्यस्तै महिलातर्पmकी विजेता सीमाले यसअघि सौन्दर्य प्रतियोगितामा अनुभव बटुलीसक्नुभएको छ । गोरखाकी सीमाले यसअघि व्युटिसीयन ट्यालेन्ट नेपाल २०१९ मा वेष्ट ड्रेस अवार्डको उपाधि जित्नुभएको थियो । राजधानीमा युनिसेक्स सलुन सञ्चालन गर्दै आउनु भएकी उहाँले द फ्लिक मोडल्स प्रतियोगतामा भने प्रमुख उपाधिका साथ वेष्ट ड्रेस, फोटोजेनिक, लिडरसिप र वेष्ट टाक्सको उपउपाधिलाई पनि आफ्नो बनाउनुभएको छ ।
प्रतियोगितामा सागर बस्नेत र अंकी सेती फष्ट तथा वेदान्त रञ्जित र सीमा गुरुङ सेकेण्ड रनर्सअप हुनुभएको छ । त्यसैगरी वेदान्त रञ्जित, अंकी सेती मिस्टर र मिस ट्यालेन्ट, केविन श्रेष्ठ, सीमा गुरुङ मिस्टर, मिस क्याटवक, जेम्स दुनदास, अमिषा सुवेदी मिस्टर, मिस एटिट्युड, शरद करेन, स्वती यादव मिस्टर, मिस कन्फिडेन्ट, सविना बस्नेता मिस पर्पेmक्ट फिगर, बार्बी योञ्जन मिस बब्ली, निशा गजुरेल मिस वेष्ट स्माइल, सागर बस्नेत, सुष्मिता बराल मिस्टर र मिस पञ्चुआलीटी, रत्नकुमारी महर्जन मिस डिसीप्लेन, प्रदीप राई र शान्ति शाही ठकुरी मिस्टर र मिस लोयल तथा प्रतिमा पाण्डे मिस व्युटिफुल आइजको टाइटल विजेता हुनुभयो ।
रमीता भण्डारीले चर्या नृत्य प्रस्तुत गरेर मनोरञ्जक तुल्याएको प्रतियोगितामा फोटोग्राफर राजभाइ सुवाल, मोडल दीपक घिमिरे, मेकअप आर्टिस्ट सिर्जना श्रेष्ठ र इभेन्ट अर्गनाइजर विशाल गुरुङ निर्णायक रहनु भएको थियो । ऋता कट्टेलद्वारा सञ्चालित प्रतियोगिता जयन सुब्बा मानन्धरको कोरियोग्राफीमा सम्पन्न भएको हो । मोडलिङ क्षेत्रका विभिन्न विधामा भविष्य निर्माण गर्न चाहनेका लागि यो प्रतियोगिता आयोजना गरिएको आयोजक संस्था फोकस फेसनका अध्यक्ष आदर्श शर्माले बताउनुभएको छ ।
क्याटेगोरी : समाचार
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्