आदिवासी जनजातिको हक संरक्षण र सांस्कृतिक पहिचानमा प्रतिबद्ध छु: प्रधानमन्त्री

साझापाना २०७९ साउन २५ गते १०:३४ मा प्रकाशित

काठमाडौं । प्रधानमन्त्री शेरबहादुर देउवाले नेपालको आधाबढी जनसंख्या ओगटेको आदिवासि, जनजातिहरुको भाषा र संस्कृति संरक्षणमा सरकार गम्भिर रहेको बताएका छन् । २८ औं आदिवासि जनजाति दिवसको अवसरमा आयोजित कार्यक्रममा बोल्दै उनले सबै तह र तप्कामा समावेशीकरणको नीतिलाई आत्मसाथ गर्दै राष्ट्रको विकास समृद्धिलाई उच्च बनाउन प्रतिबद्ध हुनुपर्नेमा जोड दिए ।

“सबै तह र तप्कामा समावेशिकरणको नीतिलाई आत्मसाथ गर्दै राष्ट्रको विकास समृद्धिलाई उच्च बनाउन हामी सबै प्रतिबद्ध हुनुपर्छ ।”
उनले परम्परा, संस्कृति र चलनहरु नयाँ पुस्तामा हस्तान्तरण हुन जरुरी भएको भन्दै त्यसमा आवश्यक सहयोग सरकारबाट हुने प्रतिबद्धता पनि जनाए।

“संस्कृतिहरु नयाँ पुस्तामा हस्तान्तरण हुन जरुरी छ । यसको लागि आवश्यक सहयोग सरकारबाट हुनेछ । आदिवासिको क्षेत्रलाई विकास गर्न आदिवासिहरु स्वयम आफै यसको सुरक्षाको लागि प्रतिबद्ध हुनु आवश्यक छ ।”
उनले ‘आदिवासिको सुरक्षा र पुस्तान्तरणमा महिलाको भूमिका’ आदिवासि जनजाति दिवसको यस वर्षको मूल नारालाई जोड्दै मूल्य मान्यता हस्तान्तरण लागि महिलाको भूमिका महत्वपूर्ण भएको बताए ।
आर्थिक, सामाजिक र शैक्षिक रुपमा आदिवासिको विकासको लागि विषेश कानून बनाउन र संगठनको स्थापना गर्न सरकार तयार रहेका पनि उनको भनाई छ ।

क्याटेगोरी : समाचार
ट्याग : #शेरबहादुर देउवा