काठमाडौं । नेकपा (एकीकृत समाजवादी)की सांसद निरुदेवी जैरुले नागरिकतामा ‘कुकुर कामी, कुकुर्नी कमिनी’ जस्ता नाम लेख्ने कर्मचारीलाई तत्काल कारबाही गर्नुपर्ने माग गरेकी छन् ।
प्रतिनिधि सभाको मंगलबार बसेको बैठकको विशेष समयमा बोल्दै उनले ती कर्मचारीलाई गृहमन्त्रालय बोलाएर निलम्बित गर्नुपर्ने माग गरेकी हुन् । उनले ६० लाख दलितका भोटले निर्वाचित भएका माननीयहरुलाई मरेतुल्य भएको जिकिर गरिन् ।

“हामि ६० लाख दलितका भोटले निर्वाचित भएका माननीयहरुलाई मरेतुल्य भएको छ । नागरिकता जस्तो संवेदनशील विषयमा कुकुर, कुकुर्नी सम्म राख्ने प्रशासकीय अधिकृतलाई तुरुन्त गृहमन्त्रालय बोलाईयोस् र उहाँहरुलाई निलम्बित गरियोस्् भन्ने पनि माग गर्न चाहान्छु ।”
सांसद जैरुले उक्त विषयलाई गृह मन्त्रालयले सम्बोधन गर्ने भनेपनि ती व्यक्तिलाई खोजेर नागरिकता सच्चाउने अवस्था आफूले नदेखेको धारणा राख्दै मन्त्रालयको ध्यानाकर्षण गराईन् ।

क्याटेगोरी : समाचार
ट्याग : #hot, #नागरिकतामा ‘कुकुर कुकुर्नी’ लेख्ने कर्मचारीलाई कारबाही गर्न माग, #निरुदेवी जैरु

---

---

---