ज्ञानेन्द्र शाही प्रतिनिधिसभा चुनावमा जुम्लाबाट उठ्ने

साझापाना २०७९ साउन २३ गते १८:०४ मा प्रकाशित

काठमाडौँ । राष्ट्रिय प्रजातन्त्र पार्टीका प्रवक्ता ज्ञानेन्द्र शाही आगामी प्रतिनिधिसभा चुनावमा जुम्लाबाट उठ्ने भएका छन् । सोमबार काठमाडौंमा आयोजित एक कार्यक्रमबीच शाहीले जुम्लाबाट प्रतिनिधिसभा सदस्यमा उठ्ने घोषणा गरेका हुन् ।

पार्टीका नेता कार्यकर्ताले आफूलाई देशका विभिन्न क्षेत्रबाट चुनाव लड्न आग्रह गरे पनि आफूले जन्मथलो जुम्ला रोजेको उनले बताए । काठमाडौं, चितवन, रुपन्देही, झापा, कैलालीबाट चुनाव लड्न आग्रह आए पनि आफूले जुम्ला रोजेको शाहीले बताएका छन् । कुनै पनि दलविरुद्ध आफ्नो उम्मेदवारी नभई जुम्लाको आर्थिक स्तर उकास्नका लागि भएको शाहीको दाबी छ ।

क्याटेगोरी : समाचार
ट्याग : #ज्ञानेन्द्र शाही, #ज्ञानेन्द्र शाही प्रतिनिधिसभा चुनावमा जुम्लाबाट उठ्ने, #राष्ट्रिय प्रजातन्त्र पार्टी