घाँस काटेको विषयमा झगडा हुँदा घाइते भएकी महिलाको मृत्यु
सुनसरी । खेतमा घाँस काटेको विषयमा झगडा हुँदा घाइते भएकी एक महिलाको मृत्यु भएको छ ।
गत साउन १३ गते शुक्रबार सङ्गीता देवी रायको खेतमा घाँस काटेको विषयमा झगडाको क्रममा गम्भीर घाइते भएकी सुनसरीको बर्जू गाउँपालिका वडा नम्बर ३ को २६ वर्षीय चन्द्रकला देवी रायको मृत्यु भएको हो ।
चन्द्रकलालाई उपचारको लागि कोसी अस्पताल विराटनगर ल्याएकोमा उनको आइतबार राती १२ः०० बजे उपचारको क्रममा मृत्यु भएको उनको श्रीमान् सकलदिप रायले बताउनुभयो ।
मृतक चन्द्रकलादेवीलाई छिमेकी सङ्गीता र उनका परिवारले घाँस काटेको विषयलाई लिएर निर्घात कुटपिट गरेको मृतकका श्रीमान् रायले बताउनुभयो ।
कुटपिटको विषयमा छिमेकमा नै जनप्रतिनिधिहरू मिलेर मिलाउन खोजे पनि पीडितका आफन्त मानेका थिएनन् ।
मृतक महिलाको शव पोष्टमार्टमको लागि कोसी अस्पतालको शव गृहमा राखिएको छ । मृतकका आफन्तले छिमेकी सङ्गीता कुमारी रायविरुद्ध कर्तव्य ज्यान मुद्दामा जाहेरी दिएका छन् ।
ईलाका प्रहरी कार्यालय दुहबीका प्रहरी निरीक्षक जयदेव माझीका अनुसार आरोपित सङ्गीता कुमारी रायलाई पक्राउ गरी हिरासतमा लिएको र पक्राउ परेका रायको थप अनुसन्धान भइरहेको छ ।
क्याटेगोरी : समाचार
ट्याग : #घाँस काटेको विषयमा झगडा हुँदा घाइते भएकी महिलाको मृत्यु
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्