चरिकोटमा लाखेनाचको रौनक
दोलखा। चरिकोट बजारको चोक र सडकहरूमा यतिबेला लाखेनाच प्रदर्शन भई रहेका छन् । साँझ पख गरिने लाखेनाच हेर्न सयौँ युवा– युवती तथा जेष्ठजनहरु भेलाहुदा चरिकोट बजारमा रौनक देखिने गरेको छ ।
नेवार समुदायका स्थानीय युवाहरूले २०१५÷०१६ सालबाट चरिकोटमा सुरु गरेको लाखेनाच प्रदर्शनलाई अहिले लालिगुँरास युवा क्लबले निरन्तरता दिई रहेको क्लबका अध्यक्ष प्रविण श्रेष्ठले बताउनु भयो । सांस्कृतिक किंवदन्तीलाई जीवन्त राख्न र सांस्कृतिक परम्परा सहित बजारमा रौनक ल्याउन क्लबले लाखेनाच प्रदर्शनलाई निरन्तरता दिएको अध्यक्ष श्रेष्ठले बताउनु भयो । कृष्ण अष्टमीको भोलिपल्टसम्म लगातार प्रदर्शन गरिने लाखेनाचले बजारको रौनक थप्ने र दोलखामा पर्यटकलाई थप आकर्षित गर्ने अध्यक्ष श्रेष्ठ बताउनु हुन्छ ।
गठेमङ्ग (घण्टाकर्ण) को साँझ नाट्यस्वरीको पूजा गरी नेवारी परम्परा अनुसार सुकुल भोज गरेर लाखेनाच प्रदर्शन गरिने परम्परा रहेको चरिकोट गुठिका अध्यक्ष स्थानीय जेष्ठजन रामदास श्रेष्ठले बताउनु भयो ।
किराँतकालदेखि छुट्टै राज्य रहेको दोलखा बजारमा प्रदर्शन गरिने लाखे नाचकै सिको गर्दै चरिकोटमा पनि यसको प्रदर्शन गर्न थालिएको स्थानीय जेष्ठजनहरुको बुझाई रहेको छ । तर चरिकोटमा प्रदर्शन गरिने लाखेनाच र दोलखामा प्रदर्शन गरिने लाखेनाचको तरीका र बाजा भने फरक रहेको स्थानीय बत्ताउँछन् ।
चरिकोट गुठिका अध्यक्ष रामदास श्रेष्ठका अनुसार चरकोटमा सुरुमा डम्बर बहादुर श्रेष्ठले लाखे नाच्नु भएको थियो । त्यसपछि भक्तबहादुर श्रेष्ठ, हिरालाल श्रेष्ठ, देवकुमार श्रेष्ठ, दान बहादुर श्रेष्ठ, बालकृष्ण श्रेष्ठ, नारायणलाल श्रेष्ठ, रामकृष्ण श्रेष्ठ लगायत धेरै अग्रजहरूले यसलाई निरन्तरता दिनु भयो । अहिले लालिगुँरास युवा क्लबमा आबद्ध युवाहरू नाच्ने गरेको क्लबका अध्यक्ष प्रविण श्रेष्ठ बताउनु हुन्छ ।
लाखेलाई कंसको बहिनी पुतना मानिन्छ । यशोदाको गर्भबाट जन्मिएका कृष्णले आफूलाई मार्ने भएकोले कंशले आफ्नी बहिनी पुतनालाई कृष्णलाई मार्न पठाएको तर कृष्णलेनै पुतनालाई मारिदिएको धार्मिक ग्रन्थहरूमा उल्लेख भएको पाइन्छ । सोही कुराको आधारमा कृष्ण अष्टमीको भोलिपल्ट कृष्णले लाखेलाई मारेर जात्राको अन्त्य गरिँदै आएको क्लबका सचिव विपिन श्रेष्ठ बताउनु हुन्छ ।
क्याटेगोरी : पर्यटन, समाचार
ट्याग : #लाखेनाच प्रदर्शन
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्