देशभरि आज ७ सय ६० जनामा कोरोना संक्रमण पुष्टि

साझापाना २०७९ साउन १९ गते १८:४८ मा प्रकाशित

काठमाडौँ । देशभरि आज ७ सय ६० जनामा कोरोना संक्रमण पुष्टि भएको छ ।

५ हजार ९ सय २६ नमुनाको परीक्षण गर्दा ७ सय ६० मा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

सङ्क्रमणबाट आज एक जनाको मृत्यु भएको छ । कोरोना सङ्क्रमणलाई जितेर ३ सय २४ जना घर फर्किएका छन् ।

कोरोना सङ्क्रमणको सङ्ख्या दैनिक बढेसँगै सक्रिय सङ्क्रमितको सङ्ख्या पनि बढेका छन् । देशैभरि ५ हजार ६ सय २ सङ्क्रमितले आइसोलेसनमा रहेर उपचार गरिरहेका छन् ।

आज ४७ हजार ३ सय ४१ ले कोरोना विरुद्धको खोप लगाएका छन् ।

क्याटेगोरी : समाचार, स्वास्थ्य
ट्याग : #देशभरि आज ७ सय ६० जनामा कोरोना संक्रमण पुष्टि