टोखामा मोटरसाइकल दुर्घटना हुँदा तार्केश्वरकी २६ बर्षीया मर्हजनको मृत्यु , एक घाइते

साझापाना २०७९ साउन १५ गते १६:२८ मा प्रकाशित

काठमाडौँ । टोखा नगरपालिका-३ झुडोलमा आइतबार मोटरसाइकल र स्कुटर एकापसमा ठक्कर खाँदा एकजनाको मृत्यु भएको छ भने एक जना घाइते भएका छन् ।

महानगरीय प्रहरी प्रभाग कार्यालय टोखाका अनुसार मृत्यु हुनेमा तार्केश्वर नगरपालिका मनमैजु बस्ने २६ वर्षीय रोजिना महर्जन रहेकी छन् । दक्षिणबाट पश्चिमतर्फ आउँदै गरेको बा ९६ प २४४५ नम्बरको मोटरसाइकल र विपरीत दिशाबाट जाँदै गरेको बा २९ प १०९८ नम्बरको स्कुटर एकापसमा ठक्कर खाएको थियो । मृतक महर्जनको उपचारका लागि ग्राण्डी अस्पतालतर्फ ल्याउँदै गर्दा बाटोमा नै मृत्यु भएको प्रहरीले जनाएको छ । मृतक ग्रीनसिटी अस्पतालमा नर्सका रुपमा कार्यरत रहेकी थिइन् ।

त्यस्तै, दुर्घटनामा परी मोटरसाइकल चालक टोखा नगरपालिका-३ का २४ वर्षीया समीर श्रेष्ठ गम्भीर घाइते भएका छन्। घाइते श्रेष्ठको अनुहार र बाँया खुट्टामा चोट लागेको र उनको ग्राण्डी अस्तालमा उपचार भईरहेको छ ।

टोखा टाइम्स

क्याटेगोरी : समाचार
ट्याग : #टोखामा मोटरसाइकल दुर्घटना