अछाममा ४ जीपीए ल्याउने विद्यार्थी ४ जना

साझापाना २०७९ साउन १३ गते १६:१२ मा प्रकाशित

अछाम । अछाम जिल्लामा एसइई परीक्षा २०७८ को नतिजामा ४ जीपीए ल्याउने विद्यार्थी ४ जना रहेका छन् ।

बिहीबार प्रकाशित नतिजा अनुसार जिल्लामा २ देखि २.४ जीपीएमा उत्तीर्ण हुने विद्यार्थीको सङ्ख्या सबैभन्दा धेरै रहेको छ ।

शिक्षा मन्त्रालयले १.२ देखि ४ जिपिएसम्म गरेको स्तरीकृत अङ्क अनुरुप २.४ जिपिएमा १८५५ जना विद्यार्थी उत्तीर्ण भएका छन् ।

एसइई परीक्षा २०७८ मा अछाम जिल्लाबाट परीक्षामा सम्मिलित ४ हजार ७ सय ५६ विद्यार्थी मध्ये ४ जिपिएमा ४ जना, ३.६ जिपिएमा ३२ जना, ३.२ जिपिएमा १५५ जना, २.८ जिपिएमा ७ सय११ जना, २.४ जिपिएमा १ हजार ८ सय ५५ जना उत्तीर्ण भएका शिक्षा विकास तथा समन्वय इकाई अछामका निमित्त प्रमुख मदन विष्टले बताउनुभयो ।

त्यसैगरी २ जिपिएमा १ हजार ४ सय ६८ जना, १.६ जिपिएमा ३२१ जना र १.२ जिपिएमा १४ जना रहेका उहाँले बताउनुभयो ।

जिल्लाका ४ हजार ७ सय ५६ विद्यार्थी मध्ये १ सय ९६ जना अनुपस्थित रहेका थिए ।

क्याटेगोरी : समाचार
ट्याग : #अछाम, #अछाममा ४ जीपीए ल्याउने विद्यार्थी ४ जना