राष्ट्रियसभा बाट नागरिकता संशोधन विधेयक प्रस्ताव सर्वसम्मतिले स्वीकृत

साझापाना २०७९ साउन ९ गते १४:११ मा प्रकाशित

काठमाडौँ । राष्ट्रियसभाको आजको बैठकले ‘नेपाल नागरिकता (पहिलो संशोधन) विधेयक, २०७९ माथि विचार गरियोस्’ भन्ने प्रस्ताव सर्वसम्मतिले स्वीकृत गरेको छ ।

बैठकमा उक्त विधेयक गृहमन्त्री बालकृष्ण खाणले प्रतिनिधिसभाको सन्देशसहित प्राप्त ‘नेपाल नागरिकता(पहिलो संशोधन) विधेयक, २०७९ माथि विचार गरियोस्’ भन्ने प्रस्ताव प्रस्तुत गर्नुभएको थियो ।

उक्त विधेयकमाथिको सैद्धान्तिक छलफलपछि राष्ट्रियसभाका अध्यक्ष गणेशप्रसाद तिमिल्सिनाले उक्त विचार गरियोस् भन्ने प्रस्तावलाई सर्वसम्मतिले स्वीकृत भएको घोषण गर्नुभयो ।

राष्ट्रियसभाको अर्को बैठक यही साउन १२ गते बिहान ११ः०० बजे बस्नेछ ।

क्याटेगोरी : समाचार
ट्याग : #राष्ट्रियसभा