भन्सार छली गरी ल्याएको ४२० बोरा चिनी सहित ट्रक बरामद

प्रनिश थापा चितवन संवाददाता २०७९ साउन ८ गते २२:१२ मा प्रकाशित

चितवन । अवैध रुपमा भन्सार छली चोरी पैठारी गरी ल्याएको चिनीसहित एक ट्रकलाइ चितवन प्रहरीले नियन्त्रणमा लिएको छ ।

विशेष सुराकीको आधारमा आज (आइतबार) ईलाका प्रहरी कार्यालय खैरहनीबाट प्रहरी निरीक्षक अनोज बिश्वकर्माको कमान्डमा खटिएको प्रहरीको विशेष टोलीले खैरहनी नगरपालिका वडा नम्बर ६ स्थित पुरानो पर्साबाट भन्सार छली चोरी पैठारी गरी ल्याएको ४२० वोरा चिनीसहित ट्रकका चालकलाई नियन्त्रणमा लिएको हो ।

पराजुली खाध उद्योग अगाडी रोकिराखेको लु २ ख १०३२ नम्वरको ट्रकलाई रितपुर्वक नियन्त्रणमा लिइ खानतलासी गर्दा भन्सार छली चोरी पैठारी गरी ल्याएको अवस्थामा ४२० वोरा चिनीसहित ट्रक नियन्त्रणमा लिएको हो । ट्रकभित्र प्रति बोरा ५० किलो भएको ४२० वोरा चिनी बरामद गर्न सफल भएको चितवन प्रहरीले जनाएको छ ।

प्रहरीले बरामद गरेको चिनीको मूल्य १८ लाख ६९ हजार रुपैयाँ बराबरको रहेको जिल्ला प्रहरी कार्यालय चितवनका प्रहरी प्रमुख नवराज अधिकारीले जानकारी दिए ।

बरामद गरिएको चिनी सहितको ट्रक तथा ट्रकका चालकलाई आवश्यक कार्वाहीको लागी राजश्व अनुसन्धान कार्यालय पथलैया बारामा पठाईएको प्रहरीले जनाइएको छ ।

चितवन प्रहरीका प्रहरी प्रमुख (एसपी) नवराज अधिकारीले जिल्लाको कमान्ड सम्हालेपछि प्रहरीले पुर्वपश्चिम राजमार्गमा चल्ने सवारीसाधनहरुको चेकजाँचलाई कडाइका साथ लगेको छ । सोही अनुसार प्रहरीले आफ्नो सक्रियता बढाएसंगै ठूलो मात्रामा सफलता समेत हात पार्दै आएको छ ।

क्याटेगोरी : अपराध/सुरक्षा, विशेष, देश परदेश, समाचार, स्थानीय