बाग्मती नदीमा डुबेर दुई जना बालकको मृत्यु

साझापाना २०७९ असार ३१ गते १४:०३ मा प्रकाशित

रौतहट । बाग्मती नदीमा डुबेर दुई जना बालकको मृत्यु भएको छ ।

गर्मी छल्न बाग्मती नदीमा नुहाउने क्रममा रौतहट दुर्गा भगवती गाउँपालिका–३ मत्सरीका १३ बर्षीय हर्ष झा र सोही गाउँपालिकाको वडा नम्बर २ भलोहियाका १३ बर्षीय आदित्य दासको मृत्यु भएको जिल्ला प्रहरी कार्यालय रौतहटले जनाएको छ ।

उनीहरू ज्ञानोदय इङ्लिस बोडिङ स्कुलमा कक्षा ६ मा अध्ययनरत विद्यार्थी हुन ।

त्यस्तै, सोही स्कुलमा अध्ययनरत ६ जना बिद्यार्थीहरु बिहीबार बाग्मती नदीमा नुहाउने क्रममा दुई जना बेपत्ता भएकोमा आज उनीहरूको शव फेला परेको हो ।

आज बिहानैदेखि नदीमा उनीहरूको खोजी भइरहे पनि आज दुर्गा भगवती गाउँपालिका वडा नम्बर ३ देखि दक्षिणमा दासको र वडा नम्बर ५ बडहर्वा नजिक निर्माणाधीन पुल नजिक झाको शव भेटिएको हो ।

बिहीबारदेखि नै उनीहरूको खोजतलासमा सशस्त्र प्रहरी, नेपाल प्रहरी, नेपाली सेनासहित स्थानीयहरू सक्रिय रहेका थिए ।

क्याटेगोरी : समाचार
ट्याग : #डुबेर मृत्यु, #नदीमा डुबेर दुई जना बालकको मृत्यु, #बाग्मती नदीमा डुबेर दुई जना बालकको मृत्यु