कृषि श्रमिक संघ काठमाडौंले टोखामा मनायो धान दिवस

साझापाना २०७९ असार १५ गते १८:१७ मा प्रकाशित

काठमाडौँ – आज १९ औं राष्ट्रिय धान दिवस मनाइएको छ । ‘धान रोपौं, खाद्यान्नमा आत्मनिर्भर बनौं’ भन्ने नाराका साथ राष्ट्रिय धान दिवस मनाइएको हो । दिवसको अवसरमा देशभर रोपाइँ लगायतका कार्यक्रम आयोजना गरिएको छ ।

नेपाली कांग्रेस निकट नेपाल कृषि श्रमिक संघ काठमाडौंले टोखामा धान दिवस मनाएको छ । कार्यक्रममा केन्द्रीय सदस्य जितजंग बस्नेत, तरुण अध्यक्ष विद्दान गुरुङको सहभागिता रहेको थियो ।

वि.सं २०६१ सालमा विश्वका ४३ राष्ट्रले संयुक्त राष्ट्रसंघलाई अन्तर्राष्ट्रिय धान वर्ष घोषणा गरेपछि नेपालमा वि.सं २०६१ मंसिर २९ गतेको मन्त्रिस्तरीय निर्णय अनुसार विसं २०६२ असार १५ गतेदेखि राष्ट्रिय धान दिवस मनाउन सुरु गरिएको हो ।

असारे भाकामा लोकदोहोरी गाउँदै, हिलो छ्यापाछ्याप गर्दै आज धान रोप्ने चलन छ । असार १५ लाई नेपाली समाजमा दहीच्युरा खाने पर्वका रूपमा पनि लिइन्छ । कृषिसहित सबै पेशा व्यवसायमा लागेका नेपालीहरुले आज दहीच्यूरा खाई असार १५ मनाउँछन् ।

क्याटेगोरी : समाचार
ट्याग : #कृषि श्रमिक संघ, #जितजंग बस्नेत, #विद्दान गुरुङ