कारागारभित्र हुने मृत्युका घटना छानविन गर्न सरकार पूर्ण असफल : एड्भोकेसी फोरम नेपाल

साझापाना २०७९ असार १२ गते १२:२१ मा प्रकाशित

काठमाडौं। एड्भोकेसी फोरम नेपाल (वकालत मञ्च नेपाल)ले प्रहरी, सेना वा कारागार अधिकारीहरूको नियन्त्रणभित्र हुने मृत्युका घटनाहरूको प्रभावकारी अनुसन्धान एवम् जवाफदेहिताको खोजी गर्ने संयन्त्रहरु लागू गर्न नेपाल सरकार पूर्णरुपमा असफल भएको बताएको छ ।

आफ्नो वार्षिक प्रतिवेदन ‘नेपालमा हिरासतमा हुने मृत्यहरू : अनुसन्धान र रोकथामको संरचना निर्माण’ (२०२१) सार्वजनिक गर्दै फोरमले यातना, दुब्र्यवहारलगायत अपर्याप्त स्वास्थ्य सेवा एवम् व्यवस्थापकीय लापरवाहीका कारण हिरासतमा भएका दर्जनौं मृत्युका घटनाहरु र त्यसलाई प्रोत्साहित गर्ने प्रणालीगत असफलताप्रति सरोकारवालाहरुको ध्यानाकर्षण समेत गराएको छ ।

‘राज्यका जिम्मेवार अधिकारीहरूबाट न यस्ता मृत्युका घटनाहरूको पारदर्शी, निष्पक्ष र प्रभावकारी अनुसन्धान गर्ने पहल भएको छ, न त भविष्यमा थप घटनाहरू घट्नबाट रोक्न कुनै निर्देशनहरू नै जारी भएका छन् । अन्ततः यसले प्रहरी, सेना वा कारागार अधिकारीहरूको नियन्त्रणभित्र हुने यस्ता मृत्युका घटनाहरूको प्रभावकारी अनुसन्धान एवं जवाफदेहिताको खोजी गर्ने संयन्त्रहरू लागू गर्न नेपाल सरकार पूर्णरुपमा असफल रहेको देखाउँछ,’ प्रतिवेदनमा भनिएको छ, ‘अन्तर्राष्ट्रिय मार्गनिर्देशनहरूका बावजुद, कानून कार्यान्वयन गर्ने अधिकारीहरू यस्ता मृत्युका घटनाहरुसँग सम्बन्धित आरोपहरूको अनुसन्धान गर्न र जिम्मेवारहरूलाई न्यायको दायरामा ल्याउन निरन्तर असफल रहेका छन् ।

पूरा विज्ञप्ति–