भिमसेनथापा ३ मा बिहान ६ बजे देखि बेलुका ६ बजे सम्म मदिरा विक्री वितरणमा रोक

साझापाना २०७९ असार ८ गते १७:२१ मा प्रकाशित

गोरखा। भिमसेनथापा गाँउपालिका वडा नं ३ मा बिहान ६ बजे देखि बेलुका ६ बजे सम्म कुनै पनि किसिमका मदिरा एवम् मदिराजन्य पदार्थहरुको विक्री वितरणमा वडाले रोक लगाएको छ ।

उक्त निर्णय वडा नं ३ को वडा समिति एव्म सम्पूर्ण व्यपारी र प्रहरीको संयुक्त बैठकले २०७९ ०३ ०४ गते देखि लागुहुने गरि सहमति भएको हो ।

वडा कार्यलयले सुखी, समृद्ध, समुन्नत, सभ्य, सुसंस्कृत एवम् नमुना वडा बनाउन बद्धिजीवि, समाजसेवी, राजनीतिज्ञ, व्यपारी, व्यवसायी, उद्यमी, शिक्षक, विद्यार्थी सम्पूर्ण वडावासीहरुमा अनुरोध गरेको छ ।

साथै वडा अध्यक्ष ऋषिराम लामिछानेले समाजमा रहेका सामाजिक बिकृति न्यनिकरण गर्न , महिला हिंसा कम गर्न तथा शान्ति कायाम गर्नको लागि यो निर्णय गरिएको साझा पाना लाई जनकारी दिनुभयो ।