काठमाडौं । प्रधानमन्त्री शेरबहादुर देउवाले निरोगीताका लागि योग भन्ने सन्देश जन जनमा पुर्‍याउन आवश्यक रहेको बताउनु भएको छ ।

८औँ अन्तर्राष्ट्रिय योग दिवस मूल समारोह समितिले आज काठमाडौँमा आयोजना गरेको कार्यक्रममा प्रधानमन्त्री देउवाले रोगको रोकथाम, नियन्त्रण र उपचारका लागि योग महत्त्वपूर्ण रहेको बताउनुभयो ।

योगले पाएको विश्वव्यापी सम्मान, योग र आयुर्वेदको उद्गम भूमि नेपालका लागि अझ उत्साहको विषय रहेको उल्लेख गर्नुभयो ।
संयुक्त राष्ट्रसङ्घले सन् २०१५ देखि जुन २१ लाई अन्तर्राष्ट्रिय योग दिवसका रुपमा मनाउन सुरु गरेको हो ।

सन २०१४ मा संयुक्त राष्ट्रसङ्घको महासभामा योग दिवस मनाउनका लागि भारतीय प्रधानमन्त्री नरेन्द्र मोदीले गर्नुभएको प्रस्तावमा नेपालका तत्कालीन प्रधानमन्त्री सुशील कोइरालाले पहिलो समर्थन गर्नुभएको थियो भने १ सय ७० भन्दा बढी राष्ट्रले समर्थन गरेका थिए ।