पोखरा महानगरपालिकाको अडियो काण्ड: एमालेका तीन जनालाई कारबाही

साझापाना २०७९ जेठ १८ गते १४:१३ मा प्रकाशित

पोखरा। नेकपा (एमाले) जिल्ला कमिटि कास्कीले पोखरा महानगरपालिकाको निर्वाचनसँग जोडिएको भ्वाईस क्लिप प्रकरणमा ३ जनालाई कारवाही गरेको छ ।

एमालेले पोखरा महानगर २१ अन्तर्गत संगठित सदस्य मनोज पहारी, पोखरा ३३ का उपाध्यक्ष महेश अर्याल र पोखरा ३३ कै पार्टी संगठित सदस्य प्रशान्त आचार्यलाई पार्टीको पद र संगठित सदस्यबाट निलम्बन गरिएको एमाले जिल्ला कमिटि कास्कीका अध्यक्ष मनबहादुर गुरुङले विज्ञप्तिमार्फत जनाएका छन् ।

उनीहरुलाई स्पष्टिकरण सोधी पार्टीको विधानको धारा ८० अनुसार अनुशासन उल्लंघन गरेको ठहर गर्दै धारा ८१ अनुसार कारवाही गरिएको गुरुङले उल्लेख गरेका छन् ।