चितवनमा लागूऔषधसहित दुइ जना पक्राउ

प्रनिश थापा चितवन संवाददाता २०७९ जेठ ५ गते १६:५१ मा प्रकाशित

चितवन । चितवन प्रहरीले प्रतिबन्धित लागूऔषध सहित दुइ जनालाई पक्राउ गरेको छ । पक्राउ पर्नेहरूमा महोत्तरी मनरा सिसवा नगरपालिका वडा नंम्बर २ बस्ने २५ बर्षीया बिष्णु देव अधिकारी र काठमाण्डौं चन्द्रागिरी नगरपालिका वडा नंम्बर ४ बस्ने २९ बर्षीया कृष्ण गुरुङ रहेका छन् ।

जिल्ला प्रहरी कार्यालय चितवनका अनुसार
खैरहनी नगरपालिका ८ पर्साबजार चौबिसकोठीमा अवैधरूपमा लागूऔषध ओसारपसार एवं विक्रीवितरण हुने गरेको भन्ने सुचनाको आधारमा प्रहरीले त्यस क्षेत्रमा निगरानी बढाउँदै आएको थियो ।

निगरानी गरिरहेको प्रहरीले हिजो (बुधबार) राती साँढे आठ बजे पैदल हिडिरहेको अवस्थामा उनीहरुको शरीर खानतलासी गर्दा पक्राउ परेका मध्य कृष्ण गुरुङले लगाएको कट्टुभित्र, पाईन्टको भित्री भागमा र मोजा समेतमा लुकाईराखेको अवस्थामा दुई सय चालीस ट्यावलेट लागूऔषध नाईट्राजेपाम, र बिष्णु देव अधिकारीले बोकेको कालो रंगको झोलामा सत्ताईस सय तीस ट्यावलेट लागूऔषध नाईट्राजेपाम र एघार सय चार क्याप्सुल औषधीजन्य ट्रामाडोल फेला परेको प्रहरी प्रमुख नवराज अधिकारीले जानकारी दिए ।

पक्राउ परेका उनीहरुविरुद्ध लागूऔषध कसुरमा सम्मानित चितवन जिल्ला अदालतबाट म्याद थप गरी अनुसन्धान गर्ने कार्य भइरहेको जिल्ला प्रहरी कार्यालय चितवनले जनाएको छ ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय