गोरखाको धार्चेमा माओवादी केन्द्रको सानदार जीत

साझापाना २०७९ जेठ ४ गते १२:३१ मा प्रकाशित

गोरखा । गोरखाको धार्चे गाउँपालिकामा नेपाली कांग्रेस क्लिनस्विप भएको छ । यसअघि पालिका अध्यक्ष उपाध्यक्ष सहित सात मध्ये ४,५,७ वडा जितेको कांग्रेस अहिले एउटा वडामा पनि आउन सकेन ।

धार्चेमा माओवादी केन्द्रका लक्ष्मण गुरुङ अध्यक्ष र सुनिला गुरुङ उपाध्यक्ष बने ।
यसअघि कांग्रेसबाट अध्यक्ष भएका सन्तोष गुरुङ र उपाध्यक्ष फुलमाया गुरुङलाई फराकिलो मतान्तरले पछि पार्दै माओवादी केन्द्रका उम्मेदवार बिजयी भएका हुन् । अध्यक्ष बिजेता लक्ष्मण गुरुङले ३,७७१ र सुनिला गुरुङले ३,७७९मत ल्याए । प्रतिद्वन्द्वी सन्तोष गुरुङल १,९४६ र फुलमाया गुरुङले १,९७६ मत प्राप्त गरे ।

सातवटा वडामध्ये कांग्रेसले वडा नं ४ र ५ मा पुरानै वडाअध्यक्षलाई उम्मेद्वार बनाएको थियो । अहिले गाउँपालिका अध्यक्षमा बिजयी लक्ष्मण गुरुङ २०७४ को स्थानीय निर्वाचनमा कांग्रेसका सन्तोष गुरुङसँगै पराजित भएका हुन् । धार्चे ५ सिङ्ला घर भएका उनी तत्कालिन नयाँ शक्ति पार्टीबाट उम्मेदवार भएका थिए ।

उपाध्यक्षमा विजयी सुनिला गुरुङ भने चर्चित गायिका हुन् ।