स्थानीय निर्वाचनः एमालेका साढे ३३ हजार उम्मेदवार, कुन पदमा कति ? (सूचीसहित)

साझापाना २०७९ वैशाख १७ गते १२:५१ मा प्रकाशित

काठमाडौँ, १६ वैशाख । नेकपा एमालेले वैशाख ३० गते हुने स्थानीय तह निर्वाचनमा सबैभन्दा धेरै उम्मेदवार उठाएको छ ।

देशकै ठूलो दलको रुपमा रहेको एमालेले स्थानीय तह निर्वाचनका लागि विभिन्न पदमा ३३ हजार ५०३ जना उम्मेदवार उठाएको छ ।

शुक्रबार निर्वाचन आयोगले सार्वजनिक गरेको तथ्यांकअनुसार एमालेले पुरुष १९४९९ र महिला १४००४ जना गरी ३३ हजार ५०३ जना उम्मेदवार उठाएको हो । जसमा नगर प्रमुखमा २६४ जना पुरुष र २७ जना महिला गरी २९१ जना उम्मेदवार रहेका छन् भने गाउँपालिका अध्यक्षमा ४१९ पुरुष र २८ जना महिला गरी ४४७ उम्मेदवार छन् ।

त्यस्तै, नगर उपप्रमुखमा २६ पुरुष र २६० महिला गरी २८६ जना उम्मेदवार उठाएको छ ।

गाउँपालिका उपाध्यक्षमा ३५ पुरुष र ४१० महिला गरी ४४५ जना उम्मेदवार छन् भने वडाअध्यक्षमा ६,४०५ जना पुरुष र ११८ जना महिला गरी ६५२३ जना रहेका छन् ।

एमालेले वडा सदस्यमा १२३५० पुरुष र ५४१ जना महिला गरी १२८९१ जना उम्मेदवार एमालेले निर्वाचनमा उठाएको छ ।

क्याटेगोरी : समाचार
ट्याग : ##एमाले